Cəmiyyət

Azərbaycanda Dövlət Komitəsi ləğv edildi - Səlahiyyətləri bölüşdürüldü - VİDEO

21 Aprel 2018 21:03
0 Şərh     Baxış: 6 592
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ötən gün prezident İlham Əliyevin sərəncamı ilə Standartlaşdırma, Metrologiya və Patent üzrə Dövlət Komitəsi ləğv edilib. Komitənin texniki tənzimləmə, standartlaşdırma, metrologiya, uyğunluğun qiymətləndirilməsi, akkreditasiya və keyfiyyətin idarə edilməsi sahəsində səlahiyyətləri antiinhisar və istehlak bazarına nəzarət dövlət agentliyinə, sənaye mülkiyyəti obyektlərinin mühafizəsi sahəsində səlahiyyətləri isə əqli mülkiyyət agentliyinə verilib. Yeni qərar bu sahədəki idarəçiliyi daha da təkmilləşdirməq məqsədi daşıyır.

Milli.Az xezerxeber.az-a istinadən bildirir ki, Standartlaşdırma, Metrologiya və Patent üzrə Dövlət Komitəsinin ləğv edilərək, səlahiyyətlərinin dövlət agentlikləri arasında bölüşdürülməsi struktur islahatlarının davamıdır. Prezidentin sərəncamını şərh edən milət vəkili Zahid Orucun sözlərinə görə bu qərar sözügedən sahənin daha peşəkar şəkildə tənzimlənməsinə gətirib çıxaracaq.

Millət vəkili Zahid Oruc deyir ki, dövlət başçısının bu qərarı əslində bir çağırışdır.O bildirib ki, yeni qərarlar ölkədən kənara investisiya yatırmaq istəyənləri fikirlərindən daşındırmaq niyyəti güdür.

Zahid Orucun sözlərinə görə, yeni qərarların hansı faydalar verəcəyini çox da gözləmək lazım gəlməyəcək. Çünki yeni idarəçilik forması inkişaf etmiş qərb ölkələrdə də uğurla tətbiq edilir.

Milli.Az

Videonu izləmək üçün şəklə klikləyin:
Azərbaycanda Dövlət Komitəsi ləğv edildi

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.