Tovuzda balıqdan zəhərlənən 2 nəfər xəstəxanaya yerləşdiriliblər. Tibbi yardım göstərildikdən sonra onların vəziyyəti normallaşıb. Mütəxəssislər bildirirlər ki, balığın saxlanma rejiminə və istifadə qaydalarına ciddi əməl olunmalıdır. Əks halda bu zəhərlənməylə yanaşı, ciddi xəstəliklərə də yol aça bilər.
Milli.Az xezerxeber.az-a istinadən bildirir ki, iki nəfər balıqdan zəhərlənib.
Hadisə Tovuzun Hunanlar kəndində baş verib. 51 yaşlı Tahir Əliyev və 52 yaşlı İlqar Abbasovun vəziyyəti balıq yedikdən sonra pisləşib. Onlar zəhərlənmə diaqnozu ilə xəstəxanaya yerləşdiriliblər. Tibbi yardım göstərildikdən sonra isə vəziyyətləri normallaşıb.
Mütəxəssislər bildirirlər ki, balıq və balıq məhsullarının saxlanma rejiminə ciddi əməl olunmalıdır. Xüsusən təzə balıqların saxlanma temperaturu normaya uyğun tənzimlənməlidir.
Gigiyena və Epidemiologiya Mərkəzinin şöbə müdiri Ziyəddin Kazımov deyir ki, balıq su hövzəsindən tutulduqdan sonra daşınarkən də temperatur rejimi mütləq gözlənilməlidir. Əks halda məhsul xarab ola və zəhərlənmə yarada bilər. Dondurulmuş balıqları isə donu açıldıqdan sonra yenidən soyuducuya qoymaq, yaxud da dondurmaq olmaz.
Balığı təmizləyərkən də gigiyena qaydalarına əməl edilməlidir. Balıq tam təmizlənmədikdə, yaxud da antisanitar yerdə təmizləndikdə müxtəlif qurd xətəlikləri əmələ gələ bilər.
Milli.Az