Cəmiyyət

Bayılda evləri dağılmış sakinlərə veriləcək yardımın miqdarı açıqlandı

16 Aprel 2018 16:33
2 Şərh     Baxış: 2 467

Səbail rayonu, Bayıl yaşayış sahəsində yerləşən Cənubdərə adlanan ərazidə 10 fevral 2018-ci il tarixdə baş vermiş lokal torpaq sürüşməsi nəticəsində ziyan çəkmiş 6 fərdi yaşayış evində yaşayan vətəndaşlara birdəfəlik maddi yardım verilməsi məqsədilə Baş nazir Artur Rəsi-zadə tərəfindən Nazirlər Kabinetinin müvafiq sərəncamı imzalanıb.

Milli.Az xəbər verir ki, bu barədə APA-ya Səbail rayon İcra Hakimiyyəti Başçısı Aparatının İctimai-siyasi və humanitar məsələlər şöbəsinin müdir müavini İsrafil Kərimov məlumat verib.

O qeyd edib ki, sərəncama əsasən, Səbail rayonu Bayıl yaşayış sahəsində yerləşən Cənubdərə adlanan ərazidə 10 fevral 2018-ci il tarixdə baş vermiş lokal torpaq sürüşməsi nəticəsində ev əşyaları ilə birlikdə dağılaraq yaşayış üçün tam yararsız vəziyyətə düşmüş, ümumi sahəsi 306 kvadrat metr olan 4 fərdi yaşayış evinin, həmçinin bir hissəsi dağılaraq yaşayış üçün yararsız vəziyyətə düşmüş ümumi sahəsi 182 kvadrat metr olan 2 fərdi yaşayış evinin sahiblərinə evin bir kvadrat metri üçün 700 manat və hər bir evdə yararsız vəziyyətə düşmüş ev əşyaları üçün 1500 manat olmaqla birdəfəlik maddi yardım ödənilməsi qərara alınıb.

Qeyd olunan vəsait Səbail Rayon İcra Hakimiyyəti tərəfindən ailə başçılarının bank hesablarına 3 gün müddətində köçürüləcək.

Həmin 6 fərdi yaşayış evinin tam sökülməsi də Səbail RİH-ə həvalə olunub.

Qeyd edək ki, fevralda Bayılda sürüşmənin aktivləşməsi nəticəsində ərazidəki 6 evə ziyan dəyib, 90-dan çox evin sakini ərazidən köçürülüb.

98 ailəyə 11 aylıq kirayə haqqı verilir.

Milli.Az

Şərh yaz:

2 Şərh:

  • Anonim
    Nermin · 16 Aprel 18:3900

    Kaş bizimkilərdə sökülməsi qərarı çıxardı Sabunçu rayonu Zabrat qesebesi N.Nerimanovun qərarı səbirsizliklə gozleyirik

    Cavab yaz
  • Anonim
    Mamlyuk · 16 Aprel 22:3210

    Belə də qərar olarmı? Bütün ev əşyalarının cəmi 1500 manat qiymətləndirilməsi təəccüblüdür, çünki bu pula heç nə almaq olmaz! 182 kv.metrin qiyməti 127400 manat edir. İki ailəyə böləndə cəmi 63700 manat olur və bu miqdar pula Bakıda ancaq toyuq hini almaq olar. Bəs bu ailələr uşaqları ilə harada yaşasınlar?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.