Cəmiyyət

Azərbaycanda 10 pilot peşə təhsili müəssisəsi yaradılacaq

22 Mart 2018 20:12
0 Şərh     Baxış: 1 282
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Peşə təhsili və təlimi sistemində nəzərdə tutulan tədbirlər üzrə 2020-ci ilədək işəgötürənlərlə tərəfdaşlıq əlaqələri çərçivəsində müxtəlif istiqamətli 10 pilot peşə təhsili müəssisəsi yaradılacaq.

Milli.Az Trend-ə istinadən bildirir ki, bununla əlaqədar yaradılmış işçi qrup tərəfindən dövlət peşə təhsili müəssisələrinin infrastrukturu, maddi-texniki bazası qiymətləndirilib.

Əmək bazarında tələbatın yüksək olduğu prioritet sahələr üzrə ixtisaslı yeni kadrlar hazırlaya biləcək 10 pilot peşə təhsili müəssisəsi seçilib. Seçilmiş pilot peşə təhsili müəssisələrinin 2020-ci ilə qədər müasir standartlara cavab verməsi və tələbata uyğun fəaliyyət göstərməsi üçün onların əsaslı təmiri və tikintisi nəzərdə tutulub.

Eyni zamanda, bura işəgötürənlərlə tərəfdaşlıq mexanizminin qurulması, peşə standartları və kurikulumlarının işlənilməsi, müəllim-pedaqoji heyətin təlimlərdən keçirilməsi mexanizminin işlənib hazırlanması planlaşdırılır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.