Cəmiyyət

Gənc Tamaşaçılar Teatrı məktəblilər üçün bayram şənliklərinə hazırlaşır - FOTO

14 Mart 2018 23:00
0 Şərh     Baxış: 336

Azərbaycan Dövlət Gənc Tamaşaçılar Teatrı Novruz bayramı şənliklərinə hazırlaşır.

Milli.Az Trend-ə istinadən bildirir ki, hər il olduğu kimi, bu il də Novruz bayramı və məktəblilərin yaz tətili günlərində teatr uşaqları maraqlı və mövzu baxımından rəngarəng tamaşalarla sevindirəcək. Bir neçə gündən sonra ölkəmizə yeniliklər fəsli olan Bahar gələcək. Baharın ilk günlərində Azərbaycan Dövlət Gənc Tamaşaçılar Teatrının məktəbli dostlarına təqdim edəcəyi maraqlı səhnə əsərləri balaca tamaşaçılarımıza əsl bayram əhval ruhiyyəsi bəxş edəcək.

Bayram günləri ərəfəsində teatrda iki premyera, martın 16-da və 17-də saat 12:00, 14:00 və 16:00-da H.X.Andersenin "Qar kraliçası" və martın 18 və 19-da eyni saatlarda E.Uspenskinin "Çeburaşka" əsərləri əsasında hazırlanan tamaşaların ilk təqdimatı reallaşacaq. Daha sonrakı günlərdə isə məktəblilər teatrın repertuarında olan sevilən səhnə əsərlərinə baxmaq imkanı qazanacaqlar. 21-25 mart tarixlərində saat 12:00, 14:00 və 16:00 olmaqla gündə üç seans olmaqla Ş.Perro "Çəkməli pişik", Xalq nağılı "Qoğalın sərgüzəştləri", A.Şaiq "Danışan gəlincik", C.Rodari "Çippolino", ərəb xalq nağılı "Əlibaba və qırx quldur" tamaşalarını izləyə biləcəklər.

Tamaşalardan əvvəl Novruz bayramının məşhur personajları Keçəl və Kosa səhnəyə çıxaraq uşaqları təbrik edəcək, Novruz haqqında şeirlər, mahnılarla salamlayacaqlar. Daha sonra isə tamaşalar nümayiş olunacaq. Bayramı maraqlı keçirmək istəyən hər kəsi Dövlət Gənc Tamaşaçılar Teatrına və bayram tamaşalarımıza dəvət edirik.

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.