Cəmiyyət

Qar yolları iflic etdi - VİDEO - FOTO

13 Mart 2018 17:32
0 Şərh     Baxış: 2 120

Dünən günorta saatlarından başlayaraq Şamaxıya yağan qar və yolların buz bağlaması hərəkəti iflic edib. Ucqar kəndlərə daha çox qarın yağması bu kəndlərə gediş-gəlişi çətinləşdirib.

Milli.Az ARB Şəki-yə istinadla xəbər verir ki, təxminən 25-30 sm qalınlığında olan qar və buz Şamaxı-Pirqulu yolunda nəqliyyatın hərəkətini çətinləşdirib. Rayonun Qızmeydan, Qəleybuğurd, Pirbəhli, Keçmədil, Qaladərəsi, Sis, Dəmirçi, Zaradxeyberi kəndlərinə gedən yolda avtomobillərin hərəkəti bir neçə saatlıq məhdudlaşıb.

Kəndlərə gedən bəzi sürücülər öz minik avtomobilini yolun kənarında saxlamalı olub, bəziləri isə digər yük avtomobilləri vasitəsilə hərəkət ediblər. Əraziyə Şamaxı rayon 8 saylı yol istismar idarəsinin canlı qüvvəsi və texnikası cəlb olunub, hazırda yollara qum-duz qarışığı səpilir, yollar qardan təmizlənir.

Bakı-Şamaxı-İsmayıllı magistralının bəzi hissələrində, Qobustan, Ağsu, Pirqulu yolunda kəskin duman müşahidə olunur.

Ərazidə havanın şaxtalı olması səbəbindən yolların yenidən buz bağlayacağı istisna edilmir. Bu istiqamətdə hərəkət edəcək sürücülərə ehtiyyatlı olmaları tövsiyyə olunur.

Milli.Az

Videonu izləmək üçün şəklə klikləyin:

Qar yolları iflic etdi

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.