Cəmiyyət

Səhlə məscidində İmam Məhdi ilə görüş

13 Mart 2018 22:40
2 Şərh     Baxış: 973

Milli.Az deyerler.org-a istinadən bildirir ki, Mərhum Mirzə Qumi öz xatirələrində yazır: "Əllamə Seyyid Məhdi Bəhrul-ulum ilə birlikdə Baqir Behbaninin dərslərinə gedirdik. Bir qədər təhsil aldıqdan sonra mən ölkəyə qayıtdım. Bir müddət sonra Bəhrul-ulum alimlər arasında mənəvi əzəmətə malik olan bir insan kimi məşhur oldu.

Mən çox təəccüb etdim və öz-özümdə dedim ki, axı onda belə bir istedadlar yox idi. Nəcəfi-Əşrəfə gəldim və Bəhrul-ulumla görüşdüm. Elmi məclisdə onun çıxışlarını eşitdim və elm dənizindən xəbərdar oldum.

Bir gün xəlvətdən ondan soruşdum: "Ağacan! Biz ki, bir yerdə idik və o zaman sizin bu cür istedadlarınız yox idi. Bəlkə dərslərdə məndən istifadə edərdiniz. Ancaq indi görürəm ki, elmdə yüksək səviyyəyə çatmısınız. Səbəbi nədir?".

Buyurdu: "Mirzə Əbul-Qasim! Sənin sualının cavabı sirdir. Ancaq sənə deyəcəyəm. Lakin bir xahişim vardır ki, hələ ki, sağam onu heç kəsə deməyəsən".

O, danışmağa başladı: "Bir gecə Səhlə məscidinə getmişdim. Gördüm ki, İmam Zaman ağa (ə.f) ibadətlə məşğuldur. Dayanıb, salam verdim. Mənim salamıma cavab verdi və buyurdu: "Məhdi, gəl!".

Mən ədəbə riayət edib bir qədər qabağa gəldim. Buyurdu: "Qabağa gəl".

Mən Həzrətin (ə.f) yanına getdim.

O, mehr ağuşunu açdı və məni qucaqladı. Sonra mübarək sinəsinə sıxdı. Bu zaman Allah nə istədisə, mənim qəlbimə və sinəmə daxil oldu".

Allahım, cəmi arzusunda olanlara Həzrət Məhdi (ə.f) ilə görüş nəsib et!

Milli.Az

loading...

Şərh yaz:

2 Şərh:

  • Anonim
    mən · 14 Mart 10:09230

    Amin.

    Cavab yaz
  • Anonim
    mən · 14 Mart 10:10220

    Bir yəmənli cavan mənə belə söylədi: Bir dəfə, məsciddə xütbə oxuyan sünni xətibinə yaxınlaşaraq, bu cür söylədim: - Peyğəmbərdən sonra neçə imam İslama rəhbər olmalıdır? Xətib: 12 imam (Əhli-sünnənin nəzərinə görə də 12 imam olmalıdır). --- Kimdi onlar? Xətib: Əbu Bəkr, Ömər, Osman, Əli və s, sonuncusu Məhdi olacaqdır. ----- Birinci imamları kim seçdi? Xətib: İnsanlar seçdilər. -----Onda biz kimi gözləyirik? Gəlin yığışaq və aramızdan bir nəfəri seçək, olsun bizim Mehdimiz! Xətib: Yox, Mehdini Allah özü seçməlidir. -----Niyə ki? Birincisini biz seçə bilərik, amma sonuncusunu yox?! Birincisini seçmişiksə, sonuncusunu da seçə bilərik! Yox sonuncusunu seçə bilməriksə, deməli, birincisini də seçə bilməzdik. Sonuncusunu Allah seçməlidirsə, deməli, birincisini də Allah seçmişdir" (Möhsün Qiraəti)

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.