Cəmiyyət

Günün qoroskopu: ehtiyatlı olun, mənasız və səbəbsiz risklər etməyin

9 Mart 2018 00:01
69 Şərh     Baxış: 13 908
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - situasiyalarda qəfil, əsla nəzərdə tutulmamış dəyişikliklər ola bilər. Kölgəyə çəkilin, bir qədər sakit davranın. Ətrafınızda baş verənləri diqqətlə müşahidə edin. Maraqlandığınız işdə uğurlar əldə edə bilərsiniz.

Günün ikinci yarısında yeni layihəyə başlamayın. İti və kəsici alətlərlə ehtiyatlı davranın. Yaxın ətrafınızdakı insanlarla təmaslarda gərginlik, qarşılıqlı iradlar olacaq. Fikir ayrılıqlarını normal şəkildə nizamlayın. Günün təmayüllərini nəzərə alaraq problemləri dərhal aradan qaldırın. Axşam saatlarında yeni ideyalar istisna deyil.

Yeni ideyaları müzakirə etmək gərəkdir.

Axşam saatlarında bir müddət tənha qalmağa çalışın.

Buğa - sizi təəccübləndirəcək çox hadisə olacaq. Arzuladığınız işlərdən birinə başlamaq şansı yaranacaq. Fürsətdən yararlanın. Qəfil hadisə əhvalınızı korlayaraq fəaliyyətinizi korlaya bilər. İşlərdən biri gəlir və ya rəqiblərlə müqayisədə üstünlük vəd edir.

Günün ikinci yarısında yeni əlaqələr qurun, təmasları aktivləşdirin, münasibətləri nizamlayın.

Diqqətinizə və qayğınıza ehtiyac duyan insanlara dəstək olun. Enerjiniz az deyil. Emosiyalara qapılmayın. Təmaslarda ehtiyatlı olun. Axşam saatlarında səhhətinizə fikir verin, çox işləməyin.

Əkizlər - işgüzar danışıqlar, müzakirələr, bacarıqların nümayişi üçün əlverişli zamandır. Emosional fonu kontrolda saxlayın. Mübahisələrin konstruktiv məcrada olmasına çalışın.

Gün bol sürprizlər vəd edir. Hadisələrin axarı pozitiv və ya mənfi ola bilər. Hər şey sizdən asılıdır. Çalışdığınız insanların məramlarına fikir verin. Münasibətləri balanslaşdırın. Yollarda ehtiyatlı olun. Axşam saatlarında sakit istirahət edin.

Maliyyə məsələləri xüsusi diqqət tələb edir. İmpulsa aldanaraq itkilər verməyin, mənasız xərclər etməyin. Problemlərin uğurlu həllini tapmaq olar.

Xərçəng - yolda ehtiyatlı olun. Nəqliyyat vasitəsilə ilə bağlı problem, gecikmə, təxirəsalma ola bilər. Yaxın ətrafınızda baş verən hadisələrin sayı artır. Sıx bağlı olmadığınız, amma yaşamınızda müəyyən yer tutan insanlarla əlaqələrdə ehtiyatlı davranın. Yaxın gələcəklə bağlı planlarınızda zəruri dəyişikliklər edin.

Günün ikinci yarısında dəyər verdiyiniz insanın sizə qarşı iradları və iddiaları artacaq. Məqsədlərlə hədəfləri dəqiqləşdirin. Narazılıqların sayı artır. Mübahisələrin qarşısını almaq üçün yeni sxemlərdən yararlanmaq olar.

Təhlükəsizliyinizi təmin edin. Maraqlarınızı ani hisslərə qurban verməyin. Nailiyyətləri qorumaq üçün təmkinli, səbrli olmalısınız.

Şir - çalışdığınız kollektiv və ya qrupda qapalı, ilk baxışdan nəzərə çarpmayan təhlükə var. Sözlərinizə, dediklərinizə fikir verin. Təmasları sizin üçün mühüm olan insanlarla münasibətləri korlamayın.

Günün ikinci yarısında nişanələrə və olaylara diqqətlə fiki verin. Yeni resurslar potensial və gücün aşkarlanması mümkündür. Enerjinizin sərfinin optimal yolunu seçin. Yaşamınızdakı gərəksiz əlaqələr, ünsiyyət və vədlərdən qurtulun. Gərəkli müstəvidə qayda yaradın.

Axşam saatları şəxsi münasibətlər üçün mürəkkəb zamandır. Sevdiyiniz insanın xətrinə dəyməyin.

Qız - günün ilk yarısındakı qeyri-müəyyənlik ciddi narahatlıq yarada bilər. Ailə işləri və məişət qayğıları ilə bağlı durumdakı çətinlikləri aradan qaldırın. Yaşam arealında qayda yaradın. Resurs və ehtiyatlarınızı dəyərləndirin. Alış-veriş etmək olar.

Günün ikinci yarısında məşğuliyyətinizi və ünsiyyət çevrənizi təftişə uğrada bilərsiniz. Münaqişəli situsiyaların, sizi asılı duruma salmaq istəyən insanların iradlarının az olduğu durumu seçin. Təmkinli olun. Kobudluğa kobudluqla, aqressiya ilə cavab verməyin. Estetikaya, gözəlliyə tələbat arta bilər. Qarderob və aksessuarların yenilənməsi üçün münasib zamandır.

Axşam saatlarında yaxşı bələd olmadığınız yerdə istirahət etməyin.

Tərəzi - ətrafınızda baş verən hadisələrdə qarışıqlıq olsa da, uğurlu gündür. Prosesləri diqqətlə müşahidə edərək çevik tərpənsəniz, şansınızdan yararlana bilərsiniz. Yaxın saatlar faydalı olacaq.

Yaşda və ya vəzifədə sizdən böyük olan insanlara qarşı günün ikinci yarısında "qiyam" qaldırmayın. Dostlar, həmkarlar, yaşıdlarınızla ünsiyyətdə mövqelərinizi qoruyun. Nabələd olduğunuz məsələdə, qapalı gərginliyin hiss olunduğu situasiyada ehtiyatlı davranın.

Axşam saatlarında dostlarla birgə istirahət edə bilərsiniz.

Əqrəb - rutin işlərdən yayınmayın. Yaxın ətrafınızdakı insanlar sizə can atırlar. Amma təmaslar rahat və xoşagələn olmaya bilər. Sizdən yardım istəyəcək, bir sıra problemlərin həllini sizə həvalə etməyə çalışacaqlar. İnformasiya mübadiləsinə və məlumatların paylaşmasına fikir verin.

Günün ikinci yarısı bilavasitə fəaliyyət sahənizlə bağlı məsələlərin həlli üçün əlverişlidir. Münaqişəli situasiyalarda nümayişkaranə şəkildə sərt olmayın. Gələn xəbərləri təhlil edin. Proseslərlə bağlı mümkün qədər çox məlumat əldə edin.

Axşam saatlarında gəzintiyə çıxmaq olar.

Oxatan - yeni işlərə və mövzulara başlamağa tələsməyin. Əmin olmadığınız məsələlərdə qəti qərar verməyin. Şanslardan yararlanmağa çalışın. Zərurət yaranarsa, məsləhət və ya məşvərətə başlamaq olar. Yaxın ətrafınızdakı insanlardan birinin sözlərinə diqqətlə qulaq asın.

Günün ikinci yarısında maraqlandığınız işlərlə məşğul ola bilərsiniz. Təmaslardan praktik fayda əldə edin. Axşam saatlarını sevdiyiniz insana həsr edin.

Emosiyalara qapılmayın.

Oğlaq - kommersiyada, maliyyə məsələlərində maksimum dərəcədə ehtiyatlı və sayıq olun. Alış-veriş üçün münasib zaman deyil. Bütün detallara və təfərrüatlara bələd olandan sonra aktiv işə başlayın. İşgüzar tərəfdaşlardan biri pulla bağlı sizə yalan danışa bilər. Yalnız öz maliyyənizlə risk edin.

Günün ikinci yarısında intuisiyanızın dediklərini qulaqardına vurmayın. Tələsməyin, həmsöhbətinizin dediklərinə diqqətlə qulaq asın. Ətrafınızda baş verən hadisələri diqqətlə izləyin. Rəqabət güclənə bilər. Mövqelərinizi möhkəmləndirəcək məlumatı arayın.

Axşam saatları alış-veriş üçün əlverişli deyil.

Dolça - mürəkkəb, qarışıq gündür. Ehtiyatlı olun, mənasız və səbəbsiz risklər etməyin. Fəaliyyət prosesinizə emosiyalar nə qədər çox müdaxilə edərsə, səhvlər və sapmalar bir o qədər çox olacaq. Təmaslar üçün asan gün deyil. Danışıqlarda və müzakirələrdə səsinizi qaldırmayın.

Günün ikinci yarısında cari işlərlə məşğul olun. Yeni layihələrin yaxşı perspektivi yoxdur. Əhvalınız heç bir səbəb olmadan dəyişə bilər. Səhhətinizin qeydinə qalın. Hisslərin əsiri olsanız, işlərdə ciddi çətinliklər yarana bilər.

Axşam saatlarında fiziki işdə xeyir var.

Balıqlar - yaxın ətrafınızdakı insanlarla münasibətlərinizdə gərginlik yaranacaq. Kənardan təsirlərin artmasına hazır olun. Mühüm informasiyanı, xəbərləri sizdən gizlədəcəklər. Situasiyanın tələb etdiyi addımların ardıcıllığını intuisiyanız sizə deyəcək.

Günün ikinci yarısında mübahisələrə qarışmayın. Ailə üzvləri ilə təmaslarda qayğıkeş və alicənab olun. Zəifə, ağır durumda çaş-baş qalmış insana yardım edin. Sevdiyiniz insandan çoxsalyı sirlər saxlamayın. Axşam saatlarında vəziyyət sakit olsa da, hansısa işi başa çatdırmaq asan deyil.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.