Cəmiyyət

Ölsün birdəfəlik bu adətiniz!

15 Fevral 2018 15:24
20 Şərh     Baxış: 7 359

Son dövrdə gəldiyim qənaət budur ki, bizim millətdən səbrli, hövsələli millət yoxdur. İlahi, insanlarda onlara uzaqdan-yaxından heç bir aidiyyatı olmayan insanları, hadisələri müzakirə etməyə, məsxərəyə qoymağa, gündəmə çevirməyə, qərar çıxarmağa necə böyük həvəs, necə böyük maraq var... İnsanların bir zəif, həssas nöqtəsini tapmaq, onların bir ayıb işini aşkar etmək adamlara necə böyük xoşbəxtlik bəxş edir. Bütün bunlara sərf etdikləri vaxta nələr sığışdıra biləcəkləri tamam başqa bir mövzudur. Əslində, mən məhz bundan yazmaq istəyirdim. Amma günlərdir şagirdlərin intim video məsələsi fikrimi yayındırdı.

Bu məsələdə şagirdləri günahlandıranlar da var, məktəb rəhbərliyini, müəllimləri, valideynləri də. İnanın ki, nə videoda hansı söhbətin, hansı hərəkətlərin sərgiləndiyindən xəbərim var, nə də bu barədə yazılan, yayılan xəbərləri oxumuşam. Ümumiyyətlə, artıq həyatımı bu cür sürürəm, düşüncəmə, dəyərlərimə, prinsiplərimə yad olan nə varsa, kim varsa, necə deyərlər, boykot edirəm. Başqa əlac yoxdur. O videonu sevincək halda yayımlayanları nə qədər tənqid etsək də, xeyri yoxdur. Adamlar gördükləri işin, əxlaqsızlığın adını "çörək qazanmaq" qoyub hər şeyi edirlər. Bu heç.

Burda məni ən çox incidən sözügedən oğlanın yapdıqlarını video çəkmək düşüncəsində, mədəniyyətində, əxlaqında, tərbiyəsində olmağıdır. Bu da elə onun böyüdüyü ailədə, mühitdə gördüklərinin nəticəsidir. Nəslinin, qonşularının, qohumlarının həyat tərzinin, düşüncə tərzinin əyani sübutudur.

Az yaşından uşaqları dizinin dibində oturdub onun əmisi arvadının, xalası qızının, qonşusunun həyat yoldaşının, məktəb yoldaşının anasının qeybətini edəndə nəticə bu olmalı idi. "Bax gözün, qulağın açıq olsun, harda anan, atan haqda bir kəlmə söz dedilər, gəl bizə de" xəbərdarlığının nəticəsi bu olmalı idi. Hardan, kimin yanından, hansı vəziyyətdə gəldiyini bilmədiyimiz qadınların adına adlar qoşanda nəticəsi bu olmalı idi. Özündən, öz ailəsindən başqa bütün ailələrinin kişisini qeyrətsiz, qadınını fahişə çıxaranda nəticəsi bu olmalı idi.

Gəlin evdən ölümcül vəziyyətdə başını götürüb qaçır, daşa basırlar ki, qızıb. Bir gənc qız həyatdan bezib, özünü öldürür, deyirlər ki, nə isə zibili var imiş. Keçmişini, cibindən hansı məktub çıxdığını, axırıncı dəfə kiminlə danışdığını, nə dediyini ən vacib ehtiyacları kimi sorub-soruşdurmağa başlayırlar. Və bütün bunları edəndə, deyəndə onların evindəki övlad yanlarında olur, eşidir, görür, yığır. Beyninə yığır, ürəyinə yığır, canına, qanına yığır. Başdan-başa mənfi enerjidən, həyatda, ətrafındakı hamıdan pislik umur, hamıya pislik etmək istəyir. İtə-pişiyə daş atır, qonşunun uşağının oyuncağını alır qırır, yaşlı qadına söz atır, qız-gəlini söyür. Sonra böyüyür, yaşamağa zorlanır, zorlayır.

Heç kim deməsin ki, "yox, mən evimdə bütün günü ali dəyərlərdən danışıram, uşağıma sevməyi öyrədirəm, insanlara sevgiylə, anlayışla yanaşmağı təbliğ edirəm". Hər şey o tərəfə, övladınızla danışırsınızmı, onun hansı düşüncədə, hansı istəklərdə olmağından xəbərdarsınızmı? Yox. Sizi o-bu maraqlandırır. Hətta mediada, sosial şəbəkələrdə adını ilk dəfə eşitdiyiniz müğənninin, aktyorun, jurnalistin həyatı, evinin içi maraqlandırır. Amma öz uşaqlarınızın içindən xəbərsizsiniz. Ona görə də heç kim gileylənməsin, cinsi əlaqədə olduğu qızı viodeya çəkən oğlan bizik, sənsən, mənəm, onu biz yetişdirmişik. Biz nəyiksə, bizi canımızdan qopan da odur. Bizim balamız ürəyimizin, beynimizin, əxlaqımızın balasıdır. Bu gün bu mühitin balası da budur: adamların məhrəmini, ayıbını, sirrini, yanlışını tapmaq, car çəkmək, bununla üstünlük əldə etmək, özükimilərin üstündə qələbə çalmaq.

Bu yaxınlarda Nəriman Həsənzadənin bu şeiri lap ürəyimdən olmuşdu. Ondan sonra harda bu sözbazlıqdan, qeybətdən doğan hadisə, adamlar görürəm, səsli və ya səssiz deyirəm: Ölsün birdəfəlik bu adətiniz!

Toyda oynadılar, ürək açdılar,
Sonra gecəyarı dağılışdılar.
Yolda gileyləndi biri əlbəəl;

-Qız çörək yeyirdi.
-Mən ölüm?
-Sən öl!
-Oğlanı görmüşdüm neçə il əvvəl,-
Gəzənin biriydi.
-Mən ölüm?
-Sən öl!
-Onlar evlənsə də yaşayan deyil. Qız on yaş böyükdü.
-Mən ölüm?
-Sən öl!

Ölməyin, ölməyin, yazıqsınınz siz,
Ölsün birdəfəlik bu adətiniz.

Sevinc Fədai
Milli.Az

loading...

Şərh yaz:

20 Şərh:

  • Anonim
    uzaqdan · 15 Fevral 15:29171

    əla yazì! təşəkkürlər

    Cavab yaz
    • Anonim
      Teacher · 15 Fevral 16:01108

      Sizi alqislayiram,Sevinc xanim,var olun!Kas hami siz medeniyyetde,siz dusuncede olaydi.

      Cavab yaz
      • Anonim
        asi · 15 Fevral 17:05518

        Hamı eyni düşüncə ilə yaşaya bilməz).Bu mümkin deyil..Kiminsə xoşuna gəldi yazıdakı fikirlər, amma mən əksini düşünürəm..Yazıda mümkinsiz olan və olsa da bizi daha çox uçruma apara bilən həyat tərzindən bəhs edilib.."Modernləşmə" sınağı bizdə uğurlu alınmır, sınaqdan keçmək istəyənlər rüsvayçılıqla üz-üzə qalır..Çünki, genetik uyğunlaşmamız yoxdur, çoxunun istədiyi azad mənəviyyatla..Əsil-kök ən doğru yoldur..

        Cavab yaz
  • Anonim
    nara · 15 Fevral 15:41319

    Sənə nə oldu? Sən kimsən ki bu millətə ağıl veresen? Sen atdin yoldaşını təkliyə oda intahar etdi. İndi çıxıb kimlərəsə ağıl vermək istəyirsən. Sən necə yazarsan ki mən sənin yazinda nə qədər artiq lazimsiz söz oxudum. Bu balaca məqalədə 7 dəfə hec tərbiyyəyə aid olmayan söz oxudum.

    Cavab yaz
  • Anonim
    asi · 15 Fevral 15:421315

    Elə el adətləri öldü deyə hər şey də öldü..Əsl Adətlər yaşasaydı, onunla birlikdə çox şey yaşayardı..Şeirdəki adətlər dedi qodudur, milli adətlər deyil..Adət yaşasaydı, qızın bakirəlik qorxusu olardı, adət yaşasaydı, oğlanın o qızla evlənmək qorxusu olardı...Adət qorxusu idi, bizləri tərbiyəli, əxlaqlı saxlayan..Öldü, özü ilə də çox şeyi öldürdü..Kaşki adətlərin əvəzinə qorxusundan icimizdə gizlənib qalan " hisslər, istəklər" öləydi..

    Cavab yaz
  • Anonim
    Tovuzlu E · 15 Fevral 15:4422

    Ve bu qeybete siz de bigane qala bilmediz) Qeybet demek olarsa... Seir qeseng idi

    Cavab yaz
  • Anonim
    555 · 15 Fevral 15:4552

    cox duz yazilib artiq werhe ehtiyac yoxdu

    Cavab yaz
  • Anonim
    Oxucu · 15 Fevral 16:1151

    Ürəyimdən tikan çıxardınız

    Cavab yaz
  • Anonim
    Sabina · 15 Fevral 16:1250

    Qeybetcil arvadlarin boyutduyu usaqlar heyati zindan edib bize. deyesn onlardan qurtulus yoxdur

    Cavab yaz
  • Anonim
    Necibe · 15 Fevral 16:2561

    Sag olun.eslinde bu fikirler eqidesi,amali temiz olan her kesin ureyinden kecir.bir az da bu heyata duzgun baxmagi oyrenin,ovladlariniza gozel hissler ashilayin...

    Cavab yaz
  • Anonim
    PRiNS · 15 Fevral 17:0363

    Qlobal prosesin qarşısını heç ne ile ala bilmeyeceksiniz.. Media "tebliğatı" da bir yandan.

    Cavab yaz
  • Anonim
    Konkret · 15 Fevral 17:0762

    Men beyendim tesekkür edirem !

    Cavab yaz
  • Anonim
    işıq · 15 Fevral 17:5528

    Mənasız mövzu. Siz bir fikir söyləməzdən əvvəl o haqda məlumatlanın. Dünya da elə xalq yoxdur ki, orada qeybət olmasın. Çox -çox mənasız fikirlərDİR.

    Cavab yaz
    • Anonim
      Alik · 16 Fevral 14:2400

      Dünyada bitişik yazılır xanım))

      Cavab yaz
  • Anonim
    ESİ... · 15 Fevral 18:4663

    En”böyük” qiybeti media edir ve bu en böyük”silahdır”...Silah bizim meneviyyatımıza yönelibse ona qarşı çıxmaq hardasa mümkünsüzdür!!!Canlı efirde bele bu tebliğat aparılırsa sizin dediyiniz”öz aralarında” edilen “qiybetler”haqqında danışmağa bele deymez...

    Cavab yaz
  • Anonim
    1988Jale · 15 Fevral 18:5141

    Var olun.Yazan ellerinize saqliq.Bizim milletin evini qiybet yixacaq.Qiybet edirler axirda da deyirler essi neyimize lazimdiye

    Cavab yaz
  • Anonim
    yerli · 15 Fevral 19:1861

    SEVİNC XANİM COX DUZ QEYD ETMİSİNİZ .ustə gəl BİZİM YASAYİS TƏRZİMİZDƏ OLAN DƏBDƏBƏLİ TOYLAR YAS MƏRASİMLƏRİ .TOY SEVİYYESİNDƏ OLAN NİSANLAR XİNA YAXDİLAR AD GUNLERİ AD QOYDULAR AD GOTURDULƏR. SUNNET TOYU KİRVELİK NE BİLİM NELER NELER COX SADALAMAQ OLAR. SUAL OLUR NEDEN NİYE KİME LAZİMDİR BU QEDER TEM TERAQ VAR DOVLET NUMAYİSİ. KREDİT GOTURUB BORCA GİRİRİK BORCA DUSURUK GƏNC AİLEYE KOMƏYİMİZ BUDURMU. GELECEK NESİLE ADETDİR DEYİB BUNLARİMİ SAXLAYİRİQ.

    Cavab yaz
  • Anonim
    Akif əliyez 71 yas · 15 Fevral 21:3330

    Cox cox sag olun bu sozlərinizə gorə !

    Cavab yaz
  • Anonim
    Akif əliyez 71 yas · 15 Fevral 21:3810

    Cox sag olun yazdiginiza gorə !

    Cavab yaz
    • Anonim
      Alik · 16 Fevral 14:2420

      Mən də razıyam

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.