Cəmiyyət

Yeni orfoqrafiya qaydaları ilə bağlı müzakirələr dayandırıldı

15 Fevral 2018 08:30
0 Şərh     Baxış: 1 409

Yeni hazırlanan "Azərbaycan dilinin orfoqrafiya qaydaları" layihəsi ilə bağlı müzakirələr dünəndən etibarən dayandırılıb.

Milli.Az Trend-ə istinadən bildirir ki, bunu AMEA-nın Nəsimi adına Dilçilik İnstitutunun direktoru, akademik Möhsün Nağısoylu deyib.

Onun sözlərinə görə, müzakirələrin dayanmasına baxmayaraq, yeni qaydalarla bağlı işçi qrupa təkliflər daxil ola bilər. İndiyədək komissiyaya 300-dən çox təklif daxil olub.

M.Nağısoylu qeyd edib ki, işçi qrup bir ay müddətində yeni orfoqrafiya qaydaları ilə bağlı indiyədək daxil olan təklifləri sistemləşdirəcək. Bundan sonra isə Orfoqrafiya Komissiyası həmin təkliflərin məqbul olub-olmamasına baxacaq.

İnstitut direktoru əlavə edib ki, bu təklifləri müzakirə etmək üçün Orfoqrafiya Komissiyasının iclası bir aydan sonra keçirilə bilər.

Qeyd edək ki, 69 maddədən ibarət olan "Azərbaycan dilinin orfoqrafiya qaydaları" layihəsi Azərbaycan Milli Elmlər Akademiyasının Orfoqrafiya Komissiyası və Dilçilik İnstitutu tərəfindən hazırlanıb. Layihə ictimaiyyətə geniş müzakirə üçün təqdim olunub. Bu layihənin müzakirəyə verilməsinin məqsədi ictimaiyyəti yeni qaydalarla tanış etmək, ona münasibətini bildirmək üçün şərait yaradmaq, nəticədə layihə ilə bağlı dəyərli fikirləri sonda nəzərə almaq olub.

Milli.Az

Digər maraqlı xəbərlər Milli.Az-ın Facebook səhifəsində

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.