Cəmiyyət

Təyyarə qəzasında ölən azərbaycanlının ailə üzvləri Moskvaya getdi

12 Fevral 2018 19:52
3 Şərh     Baxış: 3 278

Azərbaycanın Rusiyadakı səfirliyi təyyarə qəzasında ölən ölkə vətəndaşı Namiq Qəhrəmanovla bağlı məlumat yayıb.

Milli.Az APA-ya istinadən xəbər verir ki, məlumatda bildirilir: 

"Məlum olduğu kimi, cari ilin 11 fevral tarixində Moskva-Orsk marşrutu üzrə uçuş həyata keçirən "Saratov Hava Yolları"na məxsus An-148 təyyarəsi qəzaya uğrayıb. Qəza nəticəsində təyyarənin göyərtəsində olan bütün sərnişinlər və heyət üzvləri ölüblər. Rusiya Fövqəladə Hallar Nazirliyinin təqdim etdiyi siyahıya əsasən həyatlarını itirənlər arasında Azərbaycan Respublikasının vətəndaşı Namiq Qəhrəmanov də var. Səfir Polad Bülbüloğlunun göstərişinə əsasən Rusiya Fövqəladə Hallar Nazirliyi ilə dərhal əlaqə saxlanılaraq qəzanın detalları, Namiq Qəhrəmanov haqqında məlumat əldə olunub. Bildiririk ki, səfirlik hadisə baş verən dəqiqədən Rusiyanın Fövqəladə Hallar Nazirliyi və digər müvafiq qurumları ilə təmasdadır. Həlak olmuş soydaşımızın cəsədinin tanınması məqsədilə yaxın ailə üzvləri Moskva şəhərinə gəliblər. Səfirlik onlarla mütəmadi əlaqə saxlayır və lazımi köməklik göstərməyə hazırdır".

Qeyd edək ki, dünən Rusiya ərazisində baş verən təyyarə qəzasında 71 nəfər ölüb.

Milli.Az

loading...

Şərh yaz:

3 Şərh:

  • Anonim
    Esmer · 12 Fevral 20:3020

    Allah rehmet etsin

    Cavab yaz
    • Anonim
      jale · 12 Fevral 21:3800

      allah rehmet elesin

      Cavab yaz
  • Anonim
    Gülyaz x · 12 Fevral 22:5100

    Qəzada ölənlərin ailələrinə allahdan səbr arzulayıram

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.