Cəmiyyət

7 yaşı var, amma ağır texnikaları sərbəst idarə edir - Azərbaycanda - VİDEO

17 Noyabr 2017 21:51
3 Şərh     Baxış: 2 807
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ağsu rayon sakini Sənani Gözəlov ağır texnikaları peşəkarlıqla idarə edə bilir. O, bu bacarığı ilə insanları heyrətə gətirir. Onun ən böyük arzusu isə Dağlıq Qarabağda yol çəkilişində öz traktoru ilə iştirak etməkdir.

Milli.Az bildirir ki, Sənani Gözəlov öncə tırtıllı ekskavatoru, sonra isə qreyderi hərəkətə gətirərək asanlıqla sürür.

7 yaşı olmasına baxmayaraq nəhəng texnikaları əsl peşəkar kimi idarə edir.
Atasının əlindən çətinliklə idarə olunan bir sıra inşaat maşınlarını sürməyi öyrənən Sənani bu bacarığı ilə izləyənləri heyrətdə qoyur. O, bu texnikaları idarə etməyi isə lap kiçik yaşlarından öyrənməyə başlayıb.

Ağsu rayonunun Külüllü kəndində anadan olan, ancaq hazırda Xırdalan şəhərində yaşayan Sənani Gözəlov 1 saylı məktəbin birinci sinif şagirdi olduğunu deyir. Ancaq sinif yoldaşları traktor, ekskavator və qreyderin adını belə bilmədiyi halda, o, bu texnikaların öhdəsindən bacarıqla gəlir.

Sənani Gözəlovun arzusu da elə bacarığı kimi onu eşidənləri təəccübləndirir.
Onu da qeyd edək ki, Sənaninin idarə etdiyi texnikaların hamısı inşaatda istifadə olunan və idarə edilməsi çətin sayılan texnikalardır. Görünən odur ki, texnikaya olan həvəs yaş və sərhəd tanımır. /xezerxeber.az

Milli.Az

Videonu izləmək üçün şəklə klikləyin:
7 yaşı var, amma ağır texnikaları sərbəst idarə edir - Azərbaycanda

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.