Cəmiyyət

"Ağdamda zəlzələ nəticəsində bəzi evlərdə çatlar yaranıb"

17 Noyabr 2017 19:48
0 Şərh     Baxış: 1 494
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ağdam rayonunda noyabrın 17-də baş verən zəlzələ nəticəsində bəzi evlərdə çatlar yaranıb. 

Milli.Az bildirir ki, bu barədə "Report"a Ağdam Rayon İcra Hakimiyyəti başcısının birinci müavini, rayon Fövqəladə Hallar Komissiyasının sədri Allahverən Əliyev məlumat verib. 

Onun sözlərinə görə, təbii fəlakətlə bağlı Ağdam rayon Fövqəladə Hallar Komissiyası tərəfindən işçi qrupu yaradılıb: "Hazırda komissiya üzvləri yaşayış məntəqələrində araşdırmalar aparırlar. Dağıntı və tələfat qeydə alınmasa da, ancaq bəzi evlərə ziyan dəyib".

Qeyd edək ki, AMEA-nın Seysmoloji Xidmət Mərkəzinin yaydığı məlumata görə, yerli vaxtla saat 17:27-də Ağdam ərazisində zəlzələ qeydə alınıb. Zəlzələ episentrdə 4 bal, yaxın yaşayış məntəqələrində 3 bala qədər hiss olunub. Zəlzələnin maqnitudası 4.7, dərinlik 25 km olub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.