Cəmiyyət

Üzərində Ermənistan bayrağı olan maşın Bakıya necə gətirilib? - VİDEO

21 Oktyabr 2017 20:16
3 Şərh     Baxış: 4 703
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son günlər sosial şəbəkələrdə üzərində Ermənistan bayrağının rəngləri olan və Bakıda idarə edilən bir avtomobilin şəkli geniş müzakirələrə səbəb olub. Əməkdaşlarımız avtomobilin sahibi ilə əlaqə saxlayıb və bunun səbəbini araşdırıblar.

Dövlət qeydiyyat nişanı 10 UU 550 olan bu avtomobilin üzərində Ermənistan bayrağının rəngləri həkk olunub.
Milli.Az xezerxeber.az-a istinadən bildirir ki, ölçüsü kiçik olan bu emblemə diqqətlə baxdıqda isə üzərində ''Euro motor cars'' sözləri yazılıb. Araşdırmamız nəticəsində məlum oldu ki, sözügedən avtomobilin sürücü Şahin Xanaliyevdir. Həmin şəxs kamera qarşısında danışmağa razı olmasa da, avtomobilinin üzərindəki rənglərin erməni bayrağı ilə əlaqəsi olmadığını və maşını 6 il əvvəl Bakıda fəaliyyət göstərən satış salonundan aldığını bildirib.
Sürücünün sözlərinə görə, o, Macarıstanda yaşayır və çox az hallarda avtomobili idarə edir.
Nişanın məxsus olduğu şirkət barəsində axtarış etdikdə isə məlum olur ki, avtomobil satışı ilə məşğul olan bu şirkət Amerikanın Marlyand ştatında fəaliyyət göstərir. Şirkətin logosunun Ermənistan bayraqının rənglərindən ibarət olması isə onun sahibinin də erməni olması ehtimalını yaradır.
Bakı şəhər Dövlət Yol Polis İdarəsinin sözçüsü Vaqif Əsədov açıqlamasında bildirib ki, bu hala görə həmin sürücüyə hər hansı cəza tətbiq etmək mümkün deyil. Yalnız sürücü ilə əlaqə saxlanılıb və həmin sürücü artıq sözügedən nişanı avtomobilindən çıxarıb.

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin:
Üzərində Ermənistan bayrağı olan maşın Bakıya necə gətirilib?

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.