Abşeron rayonunda şirkətlərdən birinin qarajından oğurluq edən şəxs tutulub. Məlum olub ki, həmin şəxs gecə vaxtı avtomobilləri də qarət edib.
Şirkətə məxsus qarajdan oğurluq edən şəxs saxlanılıb.
Milli.Az xezerxeber.az-a istinadən bildirir ki, hadisə Abşeron rayon Aşağı Güzdək qəsəbəsində baş verib. Polisə müraciətdən sonra əməliyyatçılar şübhəli kimi 26 yaşlı Ruhan Məmmədovu saxlayıb. Məlum olub ki, adıçəkilən şəxs əvvəllər həmin şirkətdə işləyib. O, qarajdan açar dəsti, laqonda və digər əşyalar oğurlayıb.
Polis onun ətrafında araşdırma apararkən müəyyən edib ki, Ruhan Məmmədov bundan başqa gecə saatlarında rayon ərazisində park edilmiş avtomobillərin akkumuliyatorlarını da oğurlayıb.
Faktla bağlı Abşeron rayon polis idarəsində Ruhan Məmmədov barəsində oğurluq maddəsinin bir neçə bəndi ilə cinayət işi başlanıb, istintaq davam edir.
Milli.Az