Cəmiyyət

Mərhum sənətkarın qızının toyunda kövrək anlar yaşandı: "Atasının arxivindən elə bir səs yazısını tapdı ki..." - FOTO

22 Sentyabr 2017 14:54
5 Şərh     Baxış: 22 051
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mərhum sənətkar, yazıçı, 20 ildən artıq AzTV-də rejissor və redaktor, vəzifəsində çalışan Maarif Məmmədovun qızı Fidan Məmmədovanın toy mərasimi keçirilib. Bu haqda rejissorun həyat yoldaşı, aktrisa Sədaqət Maarif Milli.Az-a məlumat verib:

"Həyat yoldaşımın yadigarı, qızım Fidana toy etdik. Çox gözəl və yaddaşlara həkk olunacaq bir məclis oldu. Siz təsəvvür etməzsiniz ki, Maarifin sənət yoldaşları necə canfəşanlıqla toyda iştirak etdilər. Mən onlardan yerdən-göyə qədər razıyam. Yoldaşım rəhmətə gedəndə onlar bizim ailəmizə daha da yaxın oldular. Bir dəqiqə də olsun Maarifin sənət yoldaşları bizi unutmadı. Biz hamımız bir-birimizin xoş günlərində çox sevinirik. Toyu, demək olar ki, elə Maarifin aktyor dostları apardı. Onlar həm oynadılar, həm oxudular, bir sözlə öz istedad və bacarıqlarını əyani şəkildə göstərdilər. Ata evindən onu Maarifin əmisi oğlu, əməkdar artist Ayşad Məmmədov çıxardı. Bu çox təsirli bir məqam idi. Amma toyun sonuna qədər ata kimi oğlum bizim yanımızda oldu. Təbii ki, Maarifin yoxluğu toyda çox görünürdü... Qızım Fidan onun toy məclislərinin birində bəylə gəlinə etdiyi təbrik səsini götürüb, fotoların üstünə montaj etmişdi. Siz təsəvvür edin ki, onun səsini eşidən hər kəs kövrəldi... Hamı elə bildi ki, Maarif bir anlıq qızını təbrik edib, getdi. Ümumilikdə bu xoş günümüzdə gəlişi ilə bizə xoş dəqiqələr yaşadan bütün sənət yoldaşlarımıza təşəkkürümüzü bildirirəm".

Əli Rəhimoğlu
Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.