Öz-özlüyündə kişinin saç-saqqalına rəng və hətta həna qoyması günah deyil. Bunu həm bəyənən, həm də bəyənilməz sayan hədislər vardır ki, onlar da şəraitə və zamana uyğun izah edilməlidir.
Milli.Az islam.az-a istinadən bildirir ki, müəyyən dövrlərdə kişilərin saç-saqqalını qara boyaması bəyənilən hal sayılıb. Səbəb o idi ki, o zamanlar din yolunda döyüşlər aparılırdı. Müsəlman ordusundakı əsgərlər öz qocalıqlarını gizlətmək üçün saçlarına və saqqallarına rəng qoyurdular, bununla da özlərini cavan göstərir və düşməni qorxuya salırdılar. Daha sonralar müharibələr azaldığı və adətən sadə camaat deyil, ordu döyüşdüyü üçün bu məsələ öz aktuallığını itirdi. Əksinə, insanı əzəmətli, vüqarlı göstərən ağ saçları gizlətmədilər, bunu üstünlük kimi qəbul etdilər. Hər bir halda saç-saqqala rəng və həna qoymaq günah deyil.
Milli.Az