Cəmiyyət

Peyğəmbərin nəzərində ən pis insan

19 Avqust 2017 21:10

2 Şərh Baxış: 4 291

#DİN

Ailə üzvləri ilə rəftar iman və əxlaqın ölçüsündə ən gözəl meyardır və hər kəs əhli-əyalına sədaqət və məhəbbət nümayiş etdirirsə, bu, onun imanı və gözəl əxlaqının göstəricisidir. İmam Rza (ə) İslam Peyəmbərindən (s) belə nəql edir:

أَحْسَنُ‏ النَّاسِ‏ إِیمَاناً أَحْسَنُهُمْ‏ خُلُقاً وَ أَلْطَفُهُمْ بِأَهْلِهِ وَ أَنَا أَلْطَفُکُمْ بِأَهْلِی؛

"İnsanların iman baxımından ən yaxşısı gözəl əxlaqa sahib olan, əhli-əyalı ilə mehriban davranan şəxsdir və mən öz əhli-əyalıma qarşı mehribanam." ("Üyunu əxbarir-Riza", 2-ci cild, səh.38.)

Milli.Az maide.az-a istinadən bildirir ki, bu rəvayətdə Peyğəmbəri-Əkrəm (s) imanın inkişafında əhli-əyalla yaxşı rəftarı diqqət mərkəzində saxlayırsa, digər tərəfdən, başqa bir rəvayətdə əhli-əyalını incidən və onlarla kobud rəftar edən şəxsi də məzəmmət edir və "insanların ən pisi" kimi tanıtdırır:

شَرُّ النّاسِ الضَّیِّقُ [المُضیقُ] عَلى اَهْلِهِ، قالوا یا رَسُولَ اللّهِ وَ کَیْفَ یَکُونُ ضَیِّقا عَلى اَهْلِهِ؟ قالَ: الرَّجُلُ اِذا دَخَلَ بَیْتَهُ خَشَعَتِ امْرَأَتُهُ وَ هَرَبَ وَلَدُهُ وَ فَرَّ فَاِذا خَرَجَ ضَحِکَتِ امْرَأَتُهُ وَ اسْتَأْنَسَ اَهْلُ‌بَیْتِهِ؛

"Əhli-əyalına çətinlik yaradan şəxs insanların ən pisidir." O həzrətdən: "Ey Allahın Rəsulu! Əhli-əyala çətinlik yaratmaq necə olur?" - deyə soruşdular. Həzrət buyurdu: "Kişi evə daxil olduqda həyat yoldaşı qorxu hissi keçirər, övladları qaçıb gizlənər. Evdən çıxdıqda isə, həyat yoldaşı sevinər və əhli-əyalı bir-biri ilə ünsiyyət qurar." ("Məcməuz-zəvaid və mənbəul-fəvaid", 8-ci cild, Səh.25.)

Milli.Az

Digər maraqlı xəbərlər Milli.Az-ın Facebook səhifəsində