Cəmiyyət

Ölülər bizi eşidirlərmi?

12 Avqust 2017 20:20
52 Şərh     Baxış: 2 153

İslam dininə görə haqq olan etiqad odur ki, ölülərin eşitməsi mümkün deyil. Allah Təala buyurur: "Dirilərlə ölülər eyni deyillər! Şübhəsiz ki, Allah dilədiyinə eşitdirər. Sən isə (ya Peyğəmbər!) qəbirlərdə olanlara eşitdirən deyilsən!" (Fatir, 22).
Milli.Az zikr.az-a istinadən bildirir ki, ölü ilə danışmaq da olmaz. Bütün ölülər "bərzəx" deyilən ruh aləmindədirlər. Uca Allah Qurani Kərimdə buyurur: "Sözsüz ki, sən nə ölülərə (haqqı) eşitdirə bilərsən, nə də dönüb gedən karlara çağırışı çatdıra bilərsən" (ən-Nəml, 80).
Əbu Hureyra (Allah ondan razı olsun) Peyğəmbərdən (Allahın ona və ailəsinə salavatı və salamı olsun) belə rəvayət edir: "Mömin öldüyü zaman rəhmət mələkləri ağ ipək (paltarda) gəlib ona deyərlər: "Allahın rəhmətinə çıx!" Onun ruhu bədənindən ən gözəl müşk iyi ilə çıxar. Onu bir-birinə ötürər, hamısı onu iyləyər və səma qapısına gətirərlər. (Mələklər) deyərlər: "Yerdən gələn bu gözəl iy nədir?" Səmaya qədər gələrlər və bu söz təkrarlanar. (Mömin) digər möminlərin ruhlarının yanına gələr. Onlar buna görə insanlar çoxdan görmədikləri yaxının görəndə necə sevinir elə sevinərlər. (Həmin möminə digər möminlər) deyərlər: "Filankəs neyniyir (Yəni, filankəs necədir)?" Mələklər deyərlər: "Ona icazə verin dincəlsin. Həqiqətən, o dünyada kədər içində idi". Ondan bir nəfər haqda soruşurlar, o isə deyir: "Axı, o adam (məndən qabaq) ölüb, sizə gəlib çatmayıb?!" Onlar deyərlər: "O, sığınacağı olan Haviyəyə aparıldı". Kafirə gəldikdə isə, onu əzab mələkləri əzab toxunduraraq çıxardar və deyərlər: "Allahın qəzəbi üçün çıx!" Onun ruhu bədənindən leş iyi qoxar kimi çıxar və onu yer qapısına apararlar". (İbn Hibban, 3014).
Bu və digər ayə və hədislərdən aydın olur ki, ölülər diriləri eşitmir, hətta qəbirin yanında duran insanları da eşitmirlər. Bəzi insanlar ölülərin eşitdiklərini, onların diri insanlardan xəbər tutduqlarını zənn edərək bayram günlərində, ölünün doğum və ölüm günündə və başqa xüsusi günlər  təyin edərək ölüləri ziyarət edirlər. Hətta iş o yerə gəlib çatıb ki, bəzi insanlar hədlərini aşaraq qəbirin üstünə bəzi əşyaları gətirib qoyurlar. Halbuki bütün bu əməllər dinimizə zidd olan batil və bidət (dində yenilik) əməllərdəndir.

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

52 Şərh:

  • Anonim
    Mamlyuk · 12 Avqust 20:352626

    Bu qədər də mənasız mövzu olarmı?

    Cavab yaz
    • Anonim
      Mzfan · 13 Avqust 00:30318

      Menasiz olan senin beynindi ay bedbext

      Cavab yaz
  • Anonim
    ... · 12 Avqust 21:09460

    Ölüler diriləri eşidir .Qebrleri üstündə danışılan sözləri də eşidirlər.Hətta bizi de görürlər. Amma bu bütün ölülərə aid deyil təbii ki .Azad ruhlar da olur , məhbus ruhlar da.Belə olmasa ölən yaxınlarımız yuxumuza girib bize nəsə deyə bilməzlər, danışmazlar. Biz üzülərkən onlar da narahat olurlar,həmin gün yuxumuza girirlər.

    Cavab yaz
  • Anonim
    Kserks · 12 Avqust 21:1061

    Insan olur, curuyub torpaga qarisir. Amma insanin ruhu yasayir. Son elmi tecrubelere gore ruhun cekisi 20 qramdir. Olen insanin ruhu yasayir, esidir, lazim olanda istediyi insanla danisirda. Bu derin bir movzudur, sabah bu barede serh yazmaq olar.

    Cavab yaz
    • Anonim
      Tunu · 12 Avqust 23:43130

      O Alim getirdiyi stati deyin ve alimin adini zehmet olmassa

      Cavab yaz
  • Anonim
    mən · 12 Avqust 23:18320

    Ölü eşitmirsə,bəs Peyğəmbərə (d) niyə salavat göndəririk,salam veririk? Bəs niyə Allah Quranda bəzi Peyğəmbərlərə Salam göndərir?.Eşitməyənə niyə Salam göndərərlər.?

    Cavab yaz
  • Anonim
    mən · 12 Avqust 23:20330

    İbn Abi Dünya, İbn Abdul Bərr, Əl Qurtubi, İbn Əl Qayyim və əş-Şənqiiti kimi müasir dövrümüzün demək olar ki, bütün böyük sələfi qəhrəmanları ölülərin bizi eşidə bildiyi fikrində idilər. Hətta sələfin şeyxül-islamı da bu fikirdə idi. Dirilərin ölüləri ziyarət edəndə onların bundan xəbərdar olub olmadıqları barədə İbn Teymiyyədən soruşulanda o, belə cavab vermişdir. “Heç şübhəsiz, ölülər onları ziyarətə gələnlərdən xəbərdardırlar.” Və dəlil olaraq ibni Teymiyyə aşağıdakı hədisi sitat gətirmişdir: “Ölünün xəbərdar olmasının sübutu Buxari və Müslimin Səhih kitablarında keçir ki, burada Allah rəsulu (s) buyurmuşdur: “İnsanlar ölünü dəfn edib evlərinə qayıdanda, ölü həmin insanların ayaq səslərini eşidir.” Məcmuət-əl-Fətva. İbni Teymiyyə. cild 24, səh. 362

    Cavab yaz
  • Anonim
    mən · 12 Avqust 23:22310

    Sələfiləri sonralar ibn Teymiyyənin fətvasından uzaq salan səbəb nə oldu? İbn Teymiyyənin fətvalarında ziddiyyətlər meydana çıxdı. Bir tərəfdən o deyirdi ki, ölü eşidir, digər tərəfdən isə fətva verir ki, Rəsulallahdan (saas) Allaha yaxınlaşmaq üçün onun vəfatından sonra nəsə (məsələn şəfaət) istəmək şirkdir. İbn Teymiyyəyə görə, o (saas) yalnız sağlığında bizim üçün nəsə istəyə bilərdi, lakin vəfat etdikdən sonra o, (saas) bizim üçün dua etməyə, nəsə istəməyə qadir deyil. Lakin İbn Teymiyyə bu sualın cavabını tapa bilmirdi ki, əgər vəfat etdikdən sonra Rəsululllah (saas) bizi eşidə bilirsə, onda onun bizim üçün şəfaət etməsinə mane olan nədir və bizim peyğəmbərdən şəfaət istəməyimiz necə şirk ola bilər?

    Cavab yaz
  • Anonim
    mən · 12 Avqust 23:22330

    Sonrakı Sələfilərə görə, Rəsulallahdan (saas) şəfaət istəyən və ona salavat göndərib qəbrini ziyarət etmək istəyən bütün müsəlmanlar müşrik olurlar. Ancaq Ibni Teymiyyə kimi, onlar da bu gizli məsələni aydınlaşdıra bilmirdilər ki, əgər Rəsulallah (saas) bizi eşidə bilərsə, onun şəfaət etməsinə mane olan və bu əməli şirkə çevirən nədir? Onların əvvəlki risalələrində mövcud olan bu ziddiyyət səbəbilə, onlar Ibn Teymiyyənin fətvasından uzaqlaşdılar və ölünün eşitdiyini inkar etdilər. Sonra Muhamməd ibn Abdülvahhab belə bir fətva verdi: “Əgər insan qəbirin yanında ölünün bağışlanması üçün dua edərkən onunla danışırsa, müşrik olur.” Fəth əl-Məcid, səh. 208

    Cavab yaz
  • Anonim
    mən · 12 Avqust 23:24320

    Hal hazırda, Sələfi qardaşların ən vacib və təməl inanclarından biri ölən insanın eşitdiyini təkzib etməkdir. Onların əksər risalələri bu əsasda yazılır və onlar başqa müsəlmanları müşrik qrupuna aid edirlər. Beləliklə, gəlin, Allahın köməyi ilə başlayaq.Ölülərin eşitməsi haqqında Qurandan və Hədisdən Dəlil Quran Saleh (ə) Peyğəmbərin sözlərini ölülərə xatırladır. Bu nitq onun dövləti dağılandan sonra söylənilib. (əl-Əraf 7:77) Sonra o dəvəni tutub kəsdilər və (bununla da) Rəbbinin əmrini saymazyana pozub (istehza ilə): “Ey Saleh! Əgər sən (həqiqi) peyğəmbərlərdənsənsə, bizi qorxutduğunu (bizi təhdid etdiyin əzabı) gətir görək!” – dedilər.

    Cavab yaz
  • Anonim
    mən · 12 Avqust 23:25320

    (əl-Əraf 7:78) Buna görə də onları dəhşətli bir sarsıntı (yerdən zəlzələ, göydən tükürpədici bir səs) bürüdü, onlar öz evlərində diz üstə düşüb qaldılar (bir göz qırpımında həlak oldular). (əl-Əraf 7:79) (Saleh) onlardan üz döndərib belə dedi: “Ey camaatım! Mən sizə Rəbbimin əmrini (mənə lütf etdiyi peyğəmbərliyi) təbliğ etdim və sizə öyüd-nəsihət verdim. Lakin siz öyüd-nəsihət verənləri sevmirsiniz!”

    Cavab yaz
    • Anonim
      Asim · 14 Avqust 09:45300

      Qardas, Allah senden Razi olsun!! Ne yaxsi ki bildiyini paylasdin !!!

      Cavab yaz
      • Anonim
        mən · 14 Avqust 21:21170

        Təşəkkür edirəm,qardaş.

        Cavab yaz
  • Anonim
    mən · 12 Avqust 23:26330

    Lütfən bunu qeyd edin ki, Qurandakı bu ayələrə əsasən, AllahSalehin (ə) qövmünü məhv etdikdən sonra Saleh (ə) həmin qövmə müraciət edir. Buradan aydın olur ki, ölülərin ruhları eşidə bilir, belə olmayan halda Salehin (ə) öz xalqına müraciətinin mənası nə ola bilər? Yoxsa sələfilər Salehin Faydasız iş gördüyünü və Müşrik olduğunu düşünürlər (İbn Abdul Vahhabın sözlərinə görə, əgər bir nəfər ölülərin eşitməsini düşünürsə, bu o deməkdir ki, o şəxs müşrikdir)?Bəs nə üçün Allah bu faydasız və siyasi işi Quranda xatırlatmışdır?

    Cavab yaz
  • Anonim
    mən · 12 Avqust 23:27310

    İkincisi, sələfilər Salehin (ə) nitqinin hər bir şəxsə və ya öz dövlətindəki hər bir ölüyə çatdırılması üçün Uca Səslə danışan Natiqlərdən istifadə etdiyini düşünürlər? Xeyr, o uca səslə danışan natiqlərdən istifadə etməmişdir, çünki Müqəddəs Quran onun xalqının hər bir nümayəndəsinin bu nitqi eşitməsinə şahidlik edir. Bu açıq-aydın göstərir ki, yaxınlıqdan və ya uzaqdan gələn çağırışların ölülər üçün heç bir fərqi yoxdur. Onların eşitmə imkanları canlıların (dirilərin) eşitmə imkanlarından fərqlidir və onlar bir-biri ilə müqayisə oluna bilməz. Əgər bir şəxs müqayisə edirsə o, əlbəttə ki, səhvə yol vermiş olur. Allah bu imkanların nə olduğunu bizə bildirməyib, lakin Quran ölülərin yaxın və ya uzaq olmasından asılı olmayaraq bizi eşitməsinə şahidlik edir. Buna inanmaq üçün bu bizə kifayətdir.

    Cavab yaz
  • Anonim
    mən · 12 Avqust 23:28330

    Üçüncüsü, nə üçün sələfilər Salehin (ə) öz ölmüş xalqına “Ey Qövmüm” deməsini normal qəbul edirlər, amma bizim “Ya Rəsulallah” deməizi şirk hesab edirlər?

    Cavab yaz
  • Anonim
    mən · 12 Avqust 23:29330

    Şuayb Peyğəmbərin ölülərlə danışması. Qurandan ayələr: (əl-Əraf 7:91) Elə bu zaman onları dəhşətli bir sarsıntı (yerdən zəlzələ, göydən tükürpədici bir səs) bürüdü və onlar öz evlərində diz üstə düşüb qaldılar (bir göz qırpımında həlak oldular). (əl-Əraf 7:92) Şüeybi yalançı adlandıranlar, sanki orada (evlərində) heç bir şənlik (nemət) içində yaşamamışdılar. Şüeybi təkzib edənlərin özləri ziyana uğrayanlar oldular. (əl-Əraf 7:93) (Şüeyb) onlardan üz döndərib dedi: “Ey camaatım! Mən sizə Rəbbimin əmrlərini təbliğ etdim və öyüd-nəsihət verdim. İndi kafir bir tayfadan ötrü necə yas tutum?”

    Cavab yaz
  • Anonim
    mən · 12 Avqust 23:30310

    Rəsulallah (saas) Bədr döyüşündə öldürülmüş küffarlara müraciətində. İbn Ömər tərəfindən söylənilmişdir: “Allahın Elçisi (s) quyuda basdırılmış insanlarla danışaraq demişdir: “İndi Rəbbinizin sizə verdiyi vədinin doğru olduğunu gördünüzmü?”. Sonra kimsə ucadan dedi: “Sən ölülərəmi səslənirsən!”. Peyğəmbər cavab verdi: “Onlar sizdən daha yaxşı eşidir, lakin onlar cavab verə bilmirlər. Səhih, Buxari, 2-ci cild, 23-cü kitab, hədis № 452

    Cavab yaz
  • Anonim
    mən · 12 Avqust 23:31300

    Əbu Təlha tərəfindən söylənilmişdir: “Bədr günündə Peyğəmbər (s) əmr verdi ki, Qüreyşlilərin 24 başçısının cəsədləri Bədrin çirkli dərin quyularından birinə atılsın. O quyunun kənarında dayanan zaman Allahsız Qüreyş cəsədlərinin adları və atalarının adları ilə onlara müraciət etdi: “Ey filankəsin oğlu filankəs! Allaha və onun elçisinə boyun əysəydin razı qalardın. Rəbbimizin bizə verdiyi vədin doğru olduğunu bildik. Sən də Allahın sənə verdiyi vədin doğru oduğunu anladınmı?” Ömər dedi: “Ey Allahın elçisisi! Sən ruhu olmayan cəsədlərlə danışırsan!” Allahın elçisisi dedi: “Allaha and olsun ki, onlar sizdən daha yaxşı eşidir.” (Qatada dedi: “Allah onları yenidən diriltdi ki, onlar peyğəmbəri və onun töhmətlərini eşitsinlər, peyğəmbərin qisası alınsın və onları məcbur etdi ki, özlərini tam peşman olmuş və kədərlənmiş hiss etsinlər.”) Səhih Buxari, 5-ci cild, 59-cu kitab, hədis № 314

    Cavab yaz
  • Anonim
    mən · 12 Avqust 23:33320

    Və Ənəs b. Malik dedi ki: Allahın elçisi (saas) Bədrdə döyüşmüş kafirlərin cəsədlərini üç gün basdırılmamış halda qoydu. Sonra o onların yanına gələrək orada əyləşdi və onları çağıraraq dedi: Ey Əbu Cəhl b. Hişam, Ey Üməyyə b. Xələf, Ey Utba b. Rab`ilə, Ey Şaibə b. Rəbiyə Rəbbinizin sizə verdiyi vədin doğru olduğunu anlamadınızmı? Mənə gəlincə isə, mənim Rəbbimin vədlərinin tamamilə doğru olmasını bilirəm. Ömər Allah elçisinin (saas) sözlərini dinlədi və dedi: Ey Allahın elçisi, onlar səni necə eşidib cavab verə bilər? Onlar ölüblər və onların cəsədləri çürüyüb. Bundan sonra, o (müqəddəs peyğəmbər) dedi: Allaha and olsun ki, mənim dediklərimi onlar sizdən daha aydın eşidirlər, lakin onların cavab vermək qüdrəti yoxdur. Sonra o göstəriş verdi ki, onlar Bədr quyusunda dəfn olunsun. Səhih Muslim, 040-cı kitab, hədis № 6869

    Cavab yaz
  • Anonim
    mən · 12 Avqust 23:33310

    İbn Şihab tərəfindən söylənilmişdir: Bunlar Allah elçisinin vuruşduğu döyüşlərdir və Bədr döyüşünü xatırlayarkən o dedi: Kafirlərin cəsədləri quyuya atılarkən Allahın elçisi onlara dedi: “Rəbbinizin sizə verdiyi vədin doğru olduğunu anladınızmı?” Abdullah dedi: “Peyğəmbərin dostlarından bəziləri dedi: “ Ey Allahın elçisi! Sən ölmüş insanlara müraciət edirsən? Allahın elçisi cavab verdi: Mənim dediklərimi onlar sizdən daha yaxşı eşidirlər.” Səhih Buxari, 5-ci cild, 59-cu kitab, hədis № 360

    Cavab yaz
  • Anonim
    mən · 12 Avqust 23:35320

    Xahiş edirik qeyd edəsiniz ki, Rəsulallah (saas) quyuda ölmüş şəkildə qalan kafirlərə müraciət edir və o, ölü cəsədlərin ruhlarının dirilərdən daha yaxşı eşitdiyini iddia edir. Bir anlığa təsəvvür edin, əgər siz DİRİ olaraq basdırılsanız hər hansısa bir səsi (yaxın və uzaq) Eşidə bilərdinizmi? Cavabınız yəgin ki, “Xeyr!” olacaq, çünki yaxın və ya uzaqdan gələn səsin yalnız sağ olan insan üçün fərqi var ki, yaxından gələn səsi eşidir, amma uzaq məsafədən isə eşidmir. Ruhlar üçün isə məsafənin heç bir fərqi yoxdur və onlar səsin yaxın və ya uzaq məsafədən gəlməsindən asılı olmayaraq onu eşidəcəklər. Sələfilər ikili standartlarını nəzərdən keçirməlidirlər, yəni, Rəsulallah (saas) “Ey Əbu Cəhl...... Ey Ümayyə....... Ey Utba....” deyən zaman doğru, lakin “Ya Rəsulallah (saas)” deyəndə isə şirk olurmu?

    Cavab yaz
  • Anonim
    mən · 12 Avqust 23:36320

    Ölülər ayaq səslərini eşidirlər. Ənəs bin Malik demişdir: Allah elçisi dedi: Allahın qulları məzara qoyulan zaman və onun dostları geri dönən zaman o, onların hətta ayaq səslərini belə eşidir və sonra iki mələk onun yanına gəlir və onu əyləşdirir və soruşur. 1. Səhih Buxari, 2-ci cild, 23-cü kitab, hədis № 456 2. Səhih Muslim, 040-cı kitab, hədis № 6862

    Cavab yaz
  • Anonim
    mən · 12 Avqust 23:37320

    Diri olaraq məzarda basdırılan bir şəxs ayaq səslərini eşidə biərmi? Qəbristanlığın yanından ötən zaman Müsəlmanların ölüləri necə salamlaması haqqında Rəsulallahın (saas) söylədiyi bütün HƏDİSLƏR. Bu da çox maraqlıdır ki, sələfilər ölülərin hətta salamları da eşitməməsini iddia edirlər. Gəlin bütün ömrü boyu Rəsulallahın ölüləri salamladığı “Əssalamu Aleykum Ey Qəbir Əhli” sözləri iləonların iddiasını müqayisə edək. (Qeyd: Aşağıdakı bütün istinadlar Səhih Müslimdən gətirilmişdir və Abdul Hamid Siddiqi adlı sələfi tərəfindən İngilis dilinə tərcümə olunmuşdur.)

    Cavab yaz
  • Anonim
    mən · 12 Avqust 23:38330

    Əbu Hüreyrə demişdir: Allahın elçisi (saas) qəbristanlığa getmiş və demişdir: Allahın salamı sizlərə olsun! Ey iman gətirənlər, Allahın köməyi ilə biz də sizin yanınıza gələcəyik. Mən öz qardaşlarımı görməyi xoşlayıram. Onlar (bunu eşidənlər) dedilər: Biz sənin qardaşların deyilikmi – Ey Allahın elçisi? O dedi: Siz mənim dostlarımsınız və bizim qardaşlarımız hələ dünyaya gəlməmiş kəslərdir. Səhihi Muslim, 002-ci kitab, hədis № 0482 Əbu Hüreyrə demişdir: Allahın Elçisi (saas) qəbristanlığa getmiş və demişdir: Allahın salamı sizlərə olsun! Ey iman gətirənlər, Allahın köməyi ilə biz də sizin yanınıza gələcəyik...(v.s və ilaxır) Malikin sözləri istisna olmaqla İsmayıl b. Cəfər tərəfindən söylənilmiş hədis kimi: Sonra bəzi insanlar mənim hovuzumdan qovulacaq. Səhihi Muslim, 002-ci kitab, hədis № 0483

    Cavab yaz
  • Anonim
    mən · 12 Avqust 23:39310

    Süleyman b. Burayda atasından nəql etmişdir ki, onlar qəbristanlıqdan çıxan zaman Allahın elçisi (saas) onları öyrədərdi. Rəvayət edənlərdən biri Əbu Bəkrin hakimiyyəti vaxtı nəql etdiyi bu sözləri hədisdə söyləyərdi: “Allahın salamı sizlərə olsun! Ey şəhər sakinləri (yəni, qəbristanlıq).” Zuhayrdan nəql olunan hədisdə deyilir ki, (o sözlər bunlardır): “Allahın salamı sizlərə olsun! Ey şəhər sakinləri, iman gətirənlər və müsəlmanlar, Allahın köməyi ilə biz də sizin yanınıza gələcəyik. Mən bizlər və sizlər üçün Allahdan rəhmət diləyirəm. Səhihi Muslim, 004-cü kitab, hədis № 2128

    Cavab yaz
  • Anonim
    mən · 12 Avqust 23:40320

    Aişə rəvayət edir ki, (Allahın elçisi (saas) ilə gecəni keçirmək üçün mənim növbəm çatanda) o sübh çağına az qalmış əl-Bəqiyə gedib deyərdi: Allahın salamı sizlərə olsun! Ey iman gətirənlər, sizə verilən vədlərlə gec-tez qarşılaşacaqsınız; Allahın köməyi ilə biz də sizin yanınıza gələcəyik. Ey Rəbbim, Bəqi`əl-Qarqad əhlinin günahından keç. Qutayba onun "sizə gələrdi" sözlərini xatırlatmadı. Səhihi Müslim, 004-cü kitab, hədis № 2126

    Cavab yaz
  • Anonim
    mən · 12 Avqust 23:40320

    Aişə dedi: Ey Allahın Elçisi, mən onlar üçün necə dua edə bilərəm? O dedi: De ki, bütün iman gətirənlər və müsəlman olan şəhər əhlinə (qəbristanlıq) salam olsun və qoy Allah bizdən öncəkilərə və bizdən sonra gələnlərə mərhəmət etsin və Allahın köməkliyi ilə biz də onların yanına gedəcəyik.” Səhihi Müslim, 004-cü kitab, hədis № 2127

    Cavab yaz
  • Anonim
    mən · 12 Avqust 23:41310

    Bu Rəsulallahın (saas) bütün ömrü boyu həyata keçirdiyi işdir (yəni, o ölülərə müraciət edərək onları salamlamışdır). Sonralar səhabə, təbiin, üləma, füqaha və hər bir müsəlman bunu etmişdir. Müsəlmanlar bu gün də bunu davam etdirirlər (sələfilərin özləri də daxil olmaqla). Hələ də kimsə ölülərin eşitməməsini inkar edə bilər? Rəsulallahın bütün həyatı boyu ölülərə müraciət etməsinin FAYDASIZ/SİYASİ İŞ olmasına necə inanıla bilər və o, öz ümmətinə Qiyamət gününə qədər belə faydasız/siyasi işə göz yummasına necə icazə verə bilər?

    Cavab yaz
  • Anonim
    mən · 12 Avqust 23:42310

    İkincisi, Rəsulallah (saas) Baqi qəbristanlığına daxil olar və ölüləri Yalnız Bir dəfə salamlayardı. O (saas.), salamının ölülər tərəfindən eşidilməsinə əmin olmaq üçün nə onlara bir-bir yaxınlaşar, nə də onları məzardan çıxarardı. Biz də qəbristanlığa gedərkən ölülərə bir dəfə salam deyilməsinin yetərli olmasına inanırıq. Bu da açıq-aşkar sübut edir ki, Allah yaxın və ya uzaq məsafədən gələn səsləri eşitmək üçün ölülərin ruhuna qüvvət vermişdir. Bununla belə, bu Allah tərəfindən dirilərə verilməyən bir vasitədir.

    Cavab yaz
  • Anonim
    mən · 12 Avqust 23:43310

    Üçüncüsü, “Ya Rəsulallah” demənin şirk olduğuna inanan kəslər Allah elçisinin sözlərinə diqqət yetirməli və əhəmiyyət verməlidirlər, çünki o, bütün ömrü boyu və həmişə “Ey Qəbir Əhli” demişdir.

    Cavab yaz
  • Anonim
    mən · 12 Avqust 23:44300

    Ölülərin onları qəbristanlığa aparan insanlara səslənməsi. Əbu Səid Əl-Xudri söyləmişdir: Allah elçisi dedi: Əgər ölən şəxs mömindirsə dəfn mərasimi hazır olduqda (dəfn olunması üçün) və insanlar onu çiyinləri üzərinə qaldırdıqda o deyir: “Məni aparın” və əgər ölən şəxs mömin deyilsə onda o deyir: “Vay başıma gələnlər! Siz məni hara aparırsınız?” İnsanlardan başqa onun səsini hamı eşidir; əgər onlar bunu eşitsələr ağıllarını itirərlər.” Səhihi Buxari, 2-ci cild, 23-cü kitab, hədis № 462: Möhsin Xan tərəfindən tərcümə edilmişdir.

    Cavab yaz
  • Anonim
    mən · 12 Avqust 23:45310

    Bu onu göstərir ki, ölülər yalnız bizi eşitmirlər, eyni zamanda dünyada baş verənlərdən də xəbərdar olurlar. İnsanlardan başqa onun səsini hamı eşidir.

    Cavab yaz
  • Anonim
    mən · 12 Avqust 23:48310

    Peyğəmbərlər öz məzarlarında sağdırlar və dua edirlər. Rəsulallah (saas) buyurmuşdur: Allah peyğəmbərlərin cəsədini yeməyi torpağa qadağan etmişdir. Beləliklə, peyğəmbərlər sağdırlar və onlar, müntəzəm olaraq, öz qidalarını alırlar. İbn Məcah bu səhih hədisi öz Sünnəsində rəvayət etmişdir, cənazələr ch.65 (1:524#1636-7), iqamət-us-salavat sünnə idi ch. 79 (1:345#1085); Əbu Davud,Sünnə, salavat 1:275 (#1047); Nasai, Sünnə, Cümə namazı) 3:92; Əhməd bin Həmbəl, Musnad (4:8); İbn Hibban, əs-Səhih (3:191#910); Darimi, Sünnə (1:307#1580); İbn Xuzaymah, əs-Səhih (3:118#1733); İbn Əbi Şaybah, al-Müsannaf (2:516); Hakim, əl-Müstədrək (1:278); Təbərani, əl-Mücam-ul-kabir (1:217#589); və Sünnə-ul-kubra Bəyhəqi (3:249). Mənbə: Dr.Tahir-ul-Qədri tərəfindən `Kömək üçün yalvarış`

    Cavab yaz
  • Anonim
    mən · 12 Avqust 23:49310

    Peyğəmbərlərin dərəcəsi “Şəhidlik” dərəcəsindən yüksəkdir. Allah bunu Quranda açıq-aşkar bəyan edir ki, şəhidlər ölmürlər, onlar sağdırlar. Lakin biz bunu dərk edə bilmirik. Eynilə biz, məzardakı ölülərin eşitməsi imkanlarını da dərk etmirik, lakin yuxarıda bəhs olunan Quran ayələrindən və hədislərə əsaslanaraq ölülərin bizi eşitməsinədair heç bir şübhəmiz qalmır.

    Cavab yaz
  • Anonim
    mən · 12 Avqust 23:51310

    Həzrət İsa (ə) Rəsulallaha “Ya Rəsulallah” sözləri ilə müraciət edəcək. Peyğəmbərin (saas) öz sevdiklərini tanıması və onları eşitməsi vəhy olunub. Bir dəfə o öz dostlarına demişdir ki, o dünyaya qayıdacaq. Sonra Həzrət İsa (ə) Mədinəni ziyarət edəcək və Peyğəmbər (saas) dedi: İsa (ə) mənim məzarımın yanında dayanacaq və deyəcək: “Ya Mühəmməd!” Mən ona cavab verəcəm. İbn Hacər Əsqalani, əl-Matalib-ul-aliyah, (4:23#3853) Mənbə: `Peyğəmbərə Allahın Salamı və Salavatı olsun` Dr. Tahir-ul-Qədri tərəfindən. İndi Həzrət İsa İbn Məryəm (ə)əleyhinə Şirk fətvası vermək üçün bu bir dəvətdir. (Nəuzubillah).

    Cavab yaz
  • Anonim
    mən · 12 Avqust 23:52330

    Ölümündən sonra səhabənin Rəsulallaha (saas) müraciəti. Allah-təala Quranın bu ayəsində deyir: (Nisə 4:64) Biz hər bir peyğəmbəri, ancaq ona Allahın iznilə itaət olunsun deyə, göndərdik. Onlar (münafiqlər) özlərinə zülm etdikləri zaman dərhal sənin yanına gəlib Allahdan bağışlanmaq diləsəydilər və Peyğəmbər də onlar üçün əfv istəsəydi, əlbəttə, Allahın tövbələri qəbul edən, mərhəmətli olduğunu bilərdilər. Bu ayə Rəsulallahın (saas.) ölümündən sonra onu müdafiə etmək üçün bir səhabə tərəfindən söylənilmişdir.

    Cavab yaz
  • Anonim
    mən · 12 Avqust 23:54340

    Əlavə olaraq, İmam Qurtubi özünün məşhur əl-əhkam-il-Quran (5:265-6) təfsirində bu hadisəni belə danışmışdır. O deyir: “Əbu Sadiq bunu Əlidən (ə) nəql edir. Müqəddəs Peyğəmbərin (s.a.a.a) dəfnindən üç gün sonra bir kəndli bizi görməyə gəldi. O Peyğəmbərin (saas) məzarı yanında dayandı, məzarın torpağını öz bədəninə səpdi və dedi: “Ey Allahın Rəsulu, sən söylədin və biz də səndən eşitdik. Sənə Allahdan vəhylər gəldi və biz də o vəhyləri səndən eşitdik və bu ilahi vəhylərdən biri “va lav annahum idh zalamu anfusahum”dur. Bu həqiqətdir ki, mən yanılmışam və ona görə də bağışlanmağım üçün mənə dua elə. (Kəndlinin yalvarışına cavab olaraq) o, məzardan səsləndi: `Sənin bağışlanmağına heç bir şübhə yoxdur.`” Mənbə: `Kömək üçün yalvarmaq` Dr.Tahir-ul-Qədri.

    Cavab yaz
  • Anonim
    mən · 12 Avqust 23:55340

    (əl-Mumtəhinə 60:13) Ey iman gətirənlər! Allahın qəzəbinə düçar olmuş bir qövmlə dostluq etməyin. Kafirlər qəbiristan əhlindən (ölülərin qiyamət günü diriləcəyindən) ümidlərini üzdükləri kimi, onlar da axirətdən (axirətdə Allahın mərhəmətindən) ümidlərini üzmüşlər! Ağa Mehdi Puya buyurmuşdur: Bu ayənin son hissəsi onu da təsdiqləyir ki, qəbir əhli tam həyat sürmür və onlarin yalnizca toz və çürümüş sümükdən ibarət olduğuna inanmaq küfrdür. Pooya/Ali Commentary 60:13

    Cavab yaz
  • Anonim
    mən · 12 Avqust 23:57380

    Ardını tapıb oxuyun,əgər bəs etmirsə.

    Cavab yaz
    • Anonim
      .. · 13 Avqust 22:54270

      Tewekkur size.

      Cavab yaz
      • Anonim
        mən · 14 Avqust 00:04300

        Sağ olun,bacım.

        Cavab yaz
        • Anonim
          Tural ismayilov · 14 Avqust 18:37037

          ALLAH ağil versin

          Cavab yaz
          • Anonim
            Turala · 14 Avqust 20:55381

            Sene tural?

            Cavab yaz
            • Anonim
              .. · 14 Avqust 21:09331

              Fikrini aydın bildir.Yeqova Şahidi.

  • Anonim
    mene · 14 Avqust 19:02120

    men, bu saat 19-oo-da KATV-nini REN tv kanalindan verilis verilir, olumden sonra heyat varmi ve ruh yasayirmi. Vaxtin varsa bax, baxa bilmesen, sonra Internetde baxarsan.kserks

    Cavab yaz
    • Anonim
      mən · 14 Avqust 21:25381

      Çox baxmışam belə şeylərə.Ölümdən sanra həyatın olduğunu Allah deyir.Biz də inanırıq.

      Cavab yaz
      • Anonim
        mene · 14 Avqust 22:03146

        men, yadinda bir defelik saxla, Kainat yaranandan bu gune kimi Allah (Tanri) hec kime hec ne demeyib. Helelik hec bir canli Allahin sefiyyesine layiq olmayib ki, Tanri onunla sohbet edib, ona nese desin. Sadece olaraq bizler Allahin(Tanrinin) elimini goruruk, esidirik ve Tanrinin elimi ile sohbert edirik. Kserks.

        Cavab yaz
        • Anonim
          mən · 15 Avqust 08:00450

          Get oyna a bala.Mənə məsləhət vermə.Elə öz yadında saxla.Öz yan_yörəndəkilərinə deyərsən.

          Cavab yaz
          • Anonim
            mene · 15 Avqust 10:42058

            Birdefelik yadinda saxla Senden hec vaxt Allah adami hec cixmayacaq. Sen helelik Allahin elminden uzaqsan. Calis Allahin yaratdigi elmden bir az anlamaga baslayasan. Kserks.

            Cavab yaz
            • Anonim
              mən · 15 Avqust 20:54450

              Mənimlə elmi mübahisə etmək sənin başın üçün deyil.Birdəfəlik yadında saxla.Bütün mövzülarda səni bağlayaram,mat olarsan.Sən Allah adamı ol,bəsdir.Mənim olub-olmamağımı Allah bilər,kseroks yox.Adını hələ düz yaz, "ağıllı".

          • Anonim
            Mahir · 15 Avqust 15:31430

            Yeri gede sende burdan kserokopya.get aparativi temir et paslanib.

            Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.