Cəmiyyət

Dünyadan pak gedən şəhidlərin sırasında olar

12 Avqust 2017 19:10
0 Şərh     Baxış: 1 071
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Həzrət Peyğəmbər (s) buyurur: "O zaman ki, dünyadan pak gedərsən, şəhidlərin zümrəsində olarsan".

Peyğəmbərimiz (s) bu nurani sözlərini tərəfdaşlarından olan Ənəsə buyurur və ona belə nəsihət verir: "Əgər gecəni və gündüzü dəstəmazlı ola bilsən, belə et. Çünki əgər bu halda dünyadan getsən, şəhid olacaqsan".
 
Milli.Az deyerler.org-a istinadən bildirir ki, hədisdə pak olmaq deyildikdə dəstəmaz nəzərdə tutulsa da, deyə bilərik ki, bu sözün mənası daha genişdir. Pak olmaq deyildikdə, dünyada pak yaşamaq və pak olanlara əməl etmək nəzərdə tutulur. O kəslərin ki, ətəkləri pakdır, qəbləri pakdır, həyatları və fikirləri pakdır - bu halda dünyadan gedərlərsə şəhildərin cərgəsinə qoşularlar. (Həvzəh)
 
Şəhadət ancaq döyüş meydanında öldürülmək demək deyildir. Məsumlardan (ə) gələn hədislərimiz də bu həqiqəti təsdiq edirlər.
Şəhadətin iki mənası vardır: xüsusi və ümumi. Xüsusi mənası odur ki, insan Allaha xatir Onun yolunda qətl edilər və canından keçər. Ümumi mənası isə odur ki, insan bütün ömrü boyu İlahi vəzifələrini yerinə yetirər və zalımlarla, şər insanlarla mübarizə aparar. Bu vəzifələrini yerinə yetirən zaman ölər və bu insan da şəhid sayılar.
 
Belə ki, Peyğəmbərimiz (s) buyurur: "O kəs ki, elm, təhsil almaq yolunda ölər - şəhid ölmüş olar".
İmam Əli (ə) buyurur: "O kəs ki, öz yatağında dünyadan gedər, amma Allahın haqqına mərifəti olar, Peyğəmbərə (s) və Əhli-Beytinə (ə) həqiqi mərifəti olar - dünyadan şəhid getmiş olar".

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.