Gündəlik namazların üçüncü və dördüncü rükətlərində ya təklikdə Fatihə surəsi (ikinci surəsiz), ya da təsbihati-ərbəə adlı zikr oxunmalıdır.
Milli.Az islam.az-a istinadən bildirir ki, Təsbihati-ərbəə (dörd təsbih) dörd zikrdən ibarətdir: "Sübhan Allahi vəlhəmdü lillahi və la ilahə illəllahu vallahu əkbər". Fatihə və ya təsbihat oxumaq insanın öz istəyinə bağlıdır. Amma təsbihati-ərbəə oxumaq daha böyük savaba malikdir. Üçüncü və dördüncü rükətlərin hər ikisində bunların birini oxumaq vacib deyil. Məsələn, üçüncü rükətdə Fatihə, dördüncü rükətdə isə təsbihat oxumaq olar və ya əksinə. Əlbəttə, həm üçüncü, həm də dördüncü rükətdə təsbihati-ərbəə oxumağın savabı daha böyükdür. Qeyd edək ki, təsbihati-ərbəəni bir dəfə oxumaq kifayətdir, üç dəfə oxumaq müstəhəbdir.
Milli.Az