Müctəhidə təqlid etmədən, ayə və hədisləri oxumaqla şəriətin hökmlərinə əməl etmək olarmı?
İslam dininin bütün hökmləri, əqidə, şəriət və əxlaq göstərişləri müqəddəs Qurana və sünnəyə əsaslanır. Müctəhidlərimiz də hər hansı fətvanı verərkən ilk növbədə ayələrə və hədislərə müraciət edirlər. Lakin İslam dininin əmr və qadağanlarını, xüsusilə, şəriət hökmlərini düzgün anlamaq, ayırd etmək üçün mütləq müəyyən səviyyədə dini savada və ictihad bacarığına sahib olmaq lazımdır. Milli.Az islam.az-a istinadən bildirir ki, lazımi savadı və ictihad gücü olmayan şəxs ayə və hədisləri oxusa belə, onlara düzgün məna verə bilməz. Çünki bunun üçün ayələrin nazil olma səbəbini, təfsirini, nasix və mənsux, möhkəm və mütəşabih ayələri, hədislərin varid olma şəraitini, sənədlə bağlı olan elmləri, mükəmməl ərəb dili, məntiq və sairə elm sahələrini bilmək zəruridir.
Milli.Az