Cəmiyyət

"Bilsəydim başıma bu oyun gələcək heç deməzdim" - Vidadi Zeynalov

13 İyul 2017 20:43
2 Şərh     Baxış: 1 167

:
Sabunçu rayon Məhkəməsində ləğv edilmiş MTN-in sabiq baş idarə və idarə rəisləri Sübahir Qurbanov, Teymur Quliyev, Natavan Mirvətova, həmin qurumun vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə prosesi davam etdirilib.

Milli.Az APA-ya istinadən xəbər verir ki,  iclasda Rabitə və Yüksək Texnologiyaları Nazirliyinin həbsdə olan sabiq aparat rəhbəri Vidadi Zeynalov ifadə verib.

O, istintaq zamanı verdiyi ifadənin bir hissəsini təsdiq etməyib. Bildirib ki, Sübahir Qurbanov və Teymur Quliyevə pul verməyib:

"Mən rəhbərliyin göstərişi ilə MTN-ə pul göndərmişəm. Gəlib pulu götürən adamı da nazirlik əməkdaşı kimi tanımışam. Onların kiminsə sürücüsü olmasından xəbərim olmayıb. Cəmi üç-dörd dəfə pul göndərmişəm. İttiham aktında yazıldığı qədər pul göndərməmişəm və orada yazılan məbləğ həqiqəti əks etdirmir. Teymur Quliyevlə qonşu olmuşam, axşamlar çıxıb parkda gəzmişik. Lazım olsaydı orada pul verərdim, sürücü ilə niyə göndərirdim? Mən heç kimə rüşvət verməmişəm.  Bizim onlara heç bir tabeçiliyimiz, əlaqəmiz olmayıb, nəyə görə onlara pul verməli idim? İstintaq zamanı mənim otağımdan qeydlər olan bloknotları götürüblər, lakin işə əlavə etməyiblər. Əgər etsəydilər hər şey aydın olardı. Mənim səhvim onda oldu ki, istintaq zamanı ifadə verəndə nazirliyə pul göndərdiyimi dedim. Bilsəydim başıma bu oyun gələcək heç deməzdim".

Daha sonra iclasda bir neçə şahid ifadə verib. Məhkəmə iclası iyulun 18-də davam edəcək. 

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

2 Şərh:

  • Anonim
    Hüquq •<-|->• · 13 İyul 21:5700

    Qanun kär etmäz Täĝı Ähmädövun taladıqları nä oldu?Bir xäbär yoxdur

    Cavab yaz
  • Anonim
    Akstafa · 13 İyul 23:2700

    Bu düzdür.Härgün işä Täĝımüällimin täzä adıyla alınmış kraskalanmış köhnä vaqonlarıyla qädimdän qalmış stansiyalarda işä gedib gälirik.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.