Cəmiyyət

Kəsmiyin faydaları

15 İyul 2017 19:50
0 Şərh     Baxış: 1 023
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kəsmik - insan orqanizmi üçün faydalı qidalardan biri olan, qatılaşmış süd məhsuludur. Kəsmiyin tərkibində zülal, yağ və süd şəkəri ilə yanaşı əvəz olunmayan çoxlu metionin və  amin turşuları, kalsium, fosfor, dəmir, maqnezium və s. vardır. Yağlılığına görə kəsmik yağlı (ən azı 18%), yarım yağlı (9%), yağsızlaşdırılmış (0,6%) növlərə bölünür.
Milli.Az immunitet.az-a istinadən bildirir ki, kəsmiyin tərkibinin heç bir toxuma, hüceyrə quruluşu yoxdur və bu da onu balıq, ət və quş kimi heyvan qidalarının zülal mənbələrindən fərqləndirir. Kəsmik "dənəcikləri" orqanizmdə asanlıqla sovrulur və demək olarki tamamilə həzm olunur.
Bu məhsul orqanizmdə xolesterolun səviyyəsini azaldır. Ən əsası isə o, orqanizmin güclü toksinlərin və ya müəyyən dərman preparatlarının təsirinə məruz qaldığı zaman qaraciyərdə yağlanmanın qarşısını alır.
Amin turşularından (zülal) əlavə, kəsmik (xüsusilə A, E, F, B2 B6 və B12) fol turşusu, kalsium, dəmir, natrium, maqnezium, mis, sink, fosfor və flüor duzları kimi vitaminləri ilə zəngindir. Məhz buna görə də, kəsmik asanlıqla həzm olunur. Hamilə qadınlar və südverən analar kəsmikdən yaxşı kalsium və digər mikroelementlər mənbəyi tapa bilməz. Körpələrə 5-7 aydan artıq kəsmik vermək məsləhət görülür. Kəsmik orqanizmin toxumalarının böyüməsi və bərpası üçün lazımlıdır. Ən əsası da sümük toxumaları üçün əvəzsizdir. Eləcə də sinir sistemi, ürək və qan dövranı üçün xeyirlidir.
Kəsmik bir qida məhsulu kimi uşaqlarla yanaşı yaşlılar üçün də lazımlıdır. Qaraciyər xəstəlikləri, ateroskleroz və hipertoniya müalicəsi zamanı olan pəhriz siyahısına daxildir.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.