Cəmiyyət

Kəramət sahibinin namazı üçün xarab olan maşın

15 İyul 2017 19:40
2 Şərh     Baxış: 771

Din alimlərindən olan Hacı Şirazi nəql edir: "Bir gün əmim oğlu ilə birlikdə küçələrin birində dayanıb taksi gözləyirdim. Yolumuz uzaq idi. Yarım saat gözləməli olduq və taksilər ya dolu olurdu, ya da saxlamırdılar. Çox yorulduq.

Milli.Az deyerler.org-a istinadən bildirir ki, anidən bir taksi gəldi və saxladı. Bizə dedi: "Ağalar, buyurun minin. Hara istəsəniz, sizi apararam".
Biz maşına mindik və gedəcəyimiz yeri dedik. Yola düzəldik və mən əmim oğluna dedim ki, Allaha şükür olsun ki, bu şəhərdə bir müsəlman tapıldı ki, bizi məqsədimizə aparsın.
Sürücü bu sözlərimi eşidən zaman dedi: "Ağalar, mən müsəlman deyiləm, xristianam". Soruşduq: "Bəs nə yaxşı bizi görüb götürdün?".
Dedi: "Müsəlman olmasam da, alim müsəlmanlara, xüsusilə də din paltarı geyinənlərə əqidəm vardır. Ehtiramlarını özümə vacib bilirəm".
Sonra danışmağa başladı: Bir gün mərhum Ağa Hacı Mirzə Sadiq Mücdəhid Təbrizini sürgün edildiyi yerə aparırdım. Yol üzərində bir bulağa rast gəldik və alim dedi ki, burada saxlayın zöhr və əsr namazımı qılım. Lakin ona nəzarət edən əsgər mənə dedi ki, onun sözlərinə fikir vermə və sür.
Mən də diqqət etmədim və sürdüm. Bir su olan yerə gəlib çatdıq, anidən maşın söndü. Hər nə qədər səy etdimsə, işə sala bilmədim.
Maşından düşdüm ki, səbəbini tapım. Alim buyurdu: "İndi ki, maşın dayanıbdır, qoyun namazımı qılım".
Əsgər bir söz deyə bilmədi. Alim namazını qılmaqla məşğul oldu və biz də maşını düzəltməyə çalışırdıq. O zaman ki, namazını bitirdi, maşın işə düşdü.
O gündən bəri başa düşdüm ki, bu libasın sahibləri Allah yanında möhtərəm və abırlıdırlar".

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

2 Şərh:

  • Anonim
    Jur · 15 İyul 21:0801

    Yaxşı maraxlı əfsanəydi

    Cavab yaz
    • Anonim
      Muherrəm · 15 İyul 21:1402

      Zavallı kafir eşitdiyini ancag nağıl əfsanə hesab edirsən. Sən maşatagaligsan. İmkan edim gələndə səni aparacam maştağaya gedib dincələrsən orda.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.