Gömrük əməkdaşları külli miqdarda qızıldan hazırlanmış sikkə və külçələrin ölkəyə keçirilməsinin qarşısını alıblar.
Dövlət Gömrük Komitəsindən verilən məlumata görə, Hava Nəqliyyatında Dubay-Bakı aviareysilə gələn Azərbaycan vətəndaşları - Zakir Rzayev və Qasım Qasımov nəzarətə götürülüb.
Milli.Az xezerxeber.az-a istinadən bildirir ki, adıçəkilən vətəndaşlar gömrük nəzarətindən keçərkən saxlanılıb və onların üzərində şəxsi yoxlama aparılıb. Şəxsi yoxlama zamanı Zakir Rzayevin üzərində, ayaqqabısının içərisində 2 ədəd sarı rəngli metaldan hazırlanmış sikkə, şalvarının ciblərində isə 4 ədəd sarı rəngli metaldan hazırlanmış külçə aşkar edilib.
Qasım Qasımovun isə ayaqqabısının bir tayının içərisində 2 ədəd, digərində isə 3 ədəd olmaqla, cəmi 5 ədəd sarı rəngli metaldan hazırlanmış sikkə aşkar edilib. Faktla bağlı araşdırma aparılır.
Milli.Az