Cəmiyyət

Çaylarda sululuq səviyyəsi açıqlandı

18 İyun 2017 09:40
0 Şərh     Baxış: 479

Respublikanın çaylarında sululuq səviyyəsinə görə vəziyyət açıqlanıb.

Milli.Az bildirir ki, Trend-ə Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə,

Böyük Qafqazın Quba-Xaçmaz bölgəsi çaylarında sululuq ongünlük normanın 70-80, Kiçik Qafqazın çaylarında 20-60, Lənkəran-Astara bölgəsi və Naxçıvan MR çaylarında isə 30 faizini təşkil edir.

Kür çayının Qıraqkəsəmən məntəqəsində suyun səviyyəsində 31 sm artım müşahidə olunub. Hazırda məntəqədə su sərfi 375 m3/s olmaqla ongünlük normanın 64 faizini təşkil edir. 2016-cı ildə isə bu rəqəm 420 m3/s olmaqla ongünlük normanın 71 faizini təşkil edib.

Qanıx çayının Əyriçay məntəqəsində suyun səviyyəsində dəyişiklik müşahidə olunmayıb. Hazırda məntəqədə su sərfi 124 m3/s olmaqla, ongünlük normanın 73 faizini təşkil edir. 2016-cı ildə isə bu göstərici 232 m3/s təşkil edərək ongünlük normanın 37 faizinə bərabər olub.

Kür çayının aşağı axınında suyun səviyyəsində artım müşahidə olunub. Belə ki, Kür çayının Surra məntəqəsində 8, Şirvanda 22, Salyanda 25, Bankədə 15, Araz çayının Novruzlu məntəqəsində 5 sm artım qeydə alınıb.

Hazırda Surra məntəqəsində suyun səviyyəsi 400 sm (2016-cı il iyunun 16-da 405 sm), Şirvanda 269 sm, Salyanda 162 sm (2016-cı il iyunun 16-da 190 sm), Bankədə 196 sm (2016-cı il iyunun 16-da 195 sm), Araz çayının Novruzlu məntəqəsində isə 100 sm (2016-cı il iyunun 16-da 115 sm) təşkil edir.

Milli.Az

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.