Cəmiyyət

"Qonşuda yatırıq ki, sel bizi aparar" - Şamaxıda leysan - VİDEO - FOTO

22 May 2017 20:54
4 Şərh     Baxış: 6 696

Şamaxıda da ötən həftə yağan leysanın fəsadları hələ sovuşmayıb.

Milli.Az ARB Şəki-yə istinadla xəbər verir ki, 3 kəndin ərazisindən keçən Ağsu çayının daşması nəticəsində həmin kəndlərə gedən yollar keçilməz hala düşüb.

Şamaxının Keçmədil kəndinə aparan yolu sel tamamilə yuyub apardığından əhali atla çayı keçərək kəndə doğru yol alır. Kəndə girmək üçünsə sakinlər nərdivandan istifadə edir. Ən böyük ziyan isə kənd sakini Bilal Əmrahovun evinə dəyib. Kəndin girəcəyində yerləşdiyindən sel onun həyətini tamamilə yuyub aparıb.

Bilal Əmrahov - Sakin: "Bir quru ailəm, bir də daxmam. Nə edim, bilmirəm".

Ərazidə torpaq uçqununun başlaması ev sakinlərini qorxuya salıb. Uçqunla ev arasındakı məsafə 3 metrdir. Sakinlərin dediyinə görə, sürüşmə hər gün daha da artaraq evə doğru irəliləyir.

Tünzalə Əmrahova - Sakin: "Uşaqları çıxartmağa qorxuruq. Gedib qonşuda yatırıq ki, sel bu gün, sabah gəlib bizi aparar".

Fəsadların aradan qaldırılması istiqamətində isə işlər davam etdirilir. Kənd icra nümayəndəliyindən verilən məlumata görə, Qəleybuğurd, Keçmədil və Qaladərəsi kəndlərinə alternativ yol salınır. Artıq iki kəndin mərkəzlə əlaqəsi bərpa edilib. Keşmədil sakinləri də sabah günorta saatlarından alternativ yoldan istifadə edə biləcəklər.

Videonu izləmək üçün şəklə klikləyin:

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Şərh yaz:

4 Şərh:

  • Anonim
    bakili · 22 May 20:5810

    can wamaxi wamaxinin woru kimi wor hec yerde yoxdur

    Cavab yaz
  • Anonim
    Medet · 22 May 22:1100

    Ilyasin her weyi gedibki

    Cavab yaz
  • Anonim
    A · 22 May 22:3100

    Kändin üzärinä şifer vurun.

    Cavab yaz
  • Anonim
    Cabir müəllim · 25 May 09:2200

    Təcili kənd köçürülməlidir əks təqdirdə fəsadlar böyük olacaq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.