Cəmiyyət

"Məzarının yerini bilmirdik" - Şəhidimizin yaxınları tapıldı - VİDEO - FOTO

19 May 2017 15:33
1 Şərh     Baxış: 2 095

İmişlinin Şəmmədli kənd məzarlığında dəfn olunan daha bir şəhidin yaxınları tapılıb.

Milli.Az ARB TV-yə istinadən xəbər verir ki, Ağcabədi rayon Yuxarı Qiyaməddinli kənd sakini Şahbaz Şahlar oğlu Zeynalov ARB TV-də yayımlanan süjeti izlədikdən sonra fotolarda əks olunan şəhidlərdən birinin qardaşı olduğunu tanıyıb. Bildirib ki, qardaşı Nəsimi Şahlar oğlu Zeynalov 1992-ci ildə Qarabağda gedən döyüşlərə qatıldıqdan sonra ondan xəbər çıxmayıb.

Əbülfəz Zeynalov (şəhidin əmisi oğlu): "Könüllü olaraq ordu sıralarına yazıldı. Ağdamətrafı bütün döyüşlərdə iştirak edib. 93-cü ilin axırında əlaqəmiz kəsilib. O gündən axtarırıq tapa bilməmişik. Sizin köməyinizlə tapmışıq".

Xəqani Zeynalov (şəhidin qardaşı): "Qardaşım o vaxtdan şəhid olub. Məzarının yerini bilməmişik. Sizin sayənizdə tapdıq". 

Qeyd edək ki, bu, süjet efirdə yayımlandıqdan sonra yaxınları üzə çıxan 3-cü şəhiddir. Hər üç şəhid barədə müəyyən dədiqləşmələr aparıldıqdan sonra yaxın günlərdə daha ətraflı məlumat verəcəyik.

Milli.Az

Videonu izləmək üçün şəklə klikləyin:

Məqaləyə dair fotomateriallar:

Şərh yaz:

1 Şərh:

  • Anonim
    Gulu · 19 May 15:4320

    Allah hamisina rehmet etsin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.