Cəmiyyət

Dərinin qocalmasını sürətləndirən 7 AMİL

16 May 2017 22:25
4 Şərh     Baxış: 2 594

Dərinin qocalması təbii fizioloji prosesdir. Lakin bəzi qadınlarda bu prosess daha sürətlə, digərlərində isə əksinə daha asta gedir.

Milli.Az saglamolun.az-a istinadən bildirir ki, bunun bir çox səbəbləri vardır. Bu səbəblər arasında:

1. İrsiyyət. Bəzi ailələr var ki, bu ailələrdə qadınların dərisi tez qocalır və qırışır, əksinə isə digər ailələrdə qadınlar öz yaşıdlardan da qoca görünür. Bu dərinin irsi xüsusiyyətləri ilə (qalınlıq, yağlılıq və s.) bağlıdır.

2. Siqaret çəkmək. Çoxdan sübut olunub ki, siqaret çəkən qadınlarda dəri daha tez qocalır. Məsələ burasındadır ki, nikotin dəridə oksigen azlığına və nəmliliyin azalmasına səbəb olur. Eyni zamanda dəri üçün çox vacib olan kollagen ondan xaric olunur, əvəzinə isə xeyli miqdarda toksinlər dəriyə daxil olur.

3. Yuxunun az olması. Yuxunun kifayət qədər olmaması ümumi orqanizmi sarsıtdığı kimi, dəriyə də öz mənfi təsirini göstərir. Alimlər təsdiq edir ki, yaxşı və sağlam dəriyə sahib olmaq üçün qadın gecə 7 saatdab 9 saata qədər yatmalıdır.

4. Mimikanın çox aktiv olması. Mimikası çox aktiv olan qadınlarda dəri qırışları daha tez əmələ gəlir. Bu səbəbdən mütəxəssislər qadınlara mimikadan daha az istifadə etməyi tövsiyə edirlər.

5. Kosmetikadan sui-istifadə. Kosmetikadan həddindən artıq istifadə edilməsi də dəri qırışlarının əmələ gəlməsinə səbəb olur. Xüsusilə bu qatı tonal kremlər və krem-pudralardan istifadə edən qadınlara aiddir. Bu vasitələrin təsiri nəticəsində dəri məsamələri tutulur ki, dəri "nəfəs almır", dəridə gedən mübadilə prosesləri pozulur. Hər zaman gözəl, təravətli və cavan qalmaq istəyirsinizsə, dekorativ kosmetik vasitələrdən minimal şəkildə istifadə etməyə çalışın!

6. Günəş vannalarından və solaridən sui-istifadə. Dərinin növbəti "düşməni" günəş şüalarıdır. Tez-tez solyariya getdikdə və uzun müddət ərzində açıq günəş şüaları altında olduqda dərinin quruması və erkən dəri qırışlarının əmələ gəlməsi baş verir. Buna görə də günəşli havada çölə çıxarkən dərinizə mütləq günəşdən qoruyucu kremlər çəkmək və günəşdən qoruyan eynəklərdən istifadə etmək tövsiyə olunur.

7. Qidalanmada meyvə və tərəvəzlərin az olması. Mütəxəssislər araşdırmalar zamanı belə qənaətə gəliblər ki, daha çox meyvə və tərəvəzləri istehlak edənlərin dərisi daha gec qocalır. Bunun əsas səbəbi isə meyvə və tərəvəzlətin tərkibində antioksidantların (qocalma prosesini ləngidən maddələr) çox olmasıdır.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

4 Şərh:

  • Anonim
    · 16 May 22:4200

    Onda gulmeyekde derimiz qiriwar deye..

    Cavab yaz
  • Anonim
    7 · 16 May 22:4820

    Yumurtanın ağına bir çay qaşığı pesok qoyub yaşıca qarışdırın ağarana kimi sonra üzünüzə sürtün nəticəni özünüz görəcəksiniz

    Cavab yaz
    • Anonim
      saida · 16 May 22:5500

      deyirler pesok tuklendirir,belke duz vuraq

      Cavab yaz
      • Anonim
        7 · 16 May 23:5000

        Pesoku balnan əvəz eləmək olar.

        Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.