Aprelin 18-də Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) ekspertləri Daxili İşlər Nazirliyinin "102" xidməti - Zəng mərkəzi sisteminin məlumatı əsasında Tovuz rayonunun Əyyublu kəndində minalardan təmizləmə əməliyyatı aparıblar.
Milli.Az-a ANAMA-dan bildiriblər ki, əməliyyat nəticəsində bir əkin sahəsinə baxış keçirilib, təlim məqsədli 82 millimetrlik "Alazan" raketinin maketi aşkarlanaraq götürülüb. Ümumilikdə 150 kvadratmetr ərazi yoxlanılıb.
Yanvarın 1-dən aprelin 18-dək agentlik tərəfindən 5130 partlamamış hərbi sursat, 83 tank əleyhinə mina və piyada əleyhinə 9 mina aşkar olunaraq zərərsizləşdirilib. Cəmi 1 milyon 947 min 238 kvadratmetr ərazi yoxlanılıb.
Milli.Az