Cəmiyyət

İntihar deyib keçməyin! Onların qatili var…

18 Mart 2017 20:05
7 Şərh     Baxış: 1 288

Milli.Az lent.az-a istinadən Amid Əlioğlunun yazısını təqdim edir
 
İntihar deyib keçməyin! Onların qatili var...
 
Hər dəfə intihar başlıqlı xəbərlər görəndə həyəcanlanıram. Xüsusən bu xəbərlər öz vətəndaşıma aiddirsə əlim-ayağım əsir. Söz yox insan hər yerdə insandır və duyğunun dili eynidir. Amma nə bilim, nəsə öz mühitimizdən olan birinin intiharı məni daha çox tərpədir. Bəlkə ona görə ki, özüm yadıma düşürəm.
 
Çox az adam bilir ki, üç-dörd il bundan öncə intihar fikri mənim də beynimdə qurd kimi azar-azar dövrə vururdu. Bilənlər də həmin vaxt bilmirdi a, sonradan özüm dedim. Heç kimin ağlına da gəlməzdi Əzrayılla həmsöhbət olmağım. Söhbətimiz o qədər şirin olurdu ki, o danışırdı, mən dinləyirdim. Hətta razılığımı bildirirdim. Çünki çox şeyi düz deyirdi. Ya da mənə elə gəlirdi.
 
Tən ortada qalmışdım. Soldan Əzrayılla olan bağlar, sağdan isə mənəvi bağlar təpədən dırnağa tarıma çəkmişdi məni. Ən xırda inciməyim belə məni sola çəkə bilirdi. Ailədə, dostlar arasında, işdə baş verən sıxıntılarım intihar üçün əməlli başlı stimul idi. İş demişkən, bir dəfə belə bir hadisə baş verdi: o qədər həssas olmuşdum ki, rəhbər səsini bir ton yuxarı qaldırdı deyə işdən çıxma ərizəsi yazıb, otağına dəstursuz girərək stoluna qoyub çıxdım. Telefonu söndürüb bulvara sarı üz tutdum. Ürəyim ağzımdan çıxırdı. Boğazımdakı zob şahə qalxmışdı. Tüpürcəyimi belə uda bilmirdim. Hər şeyi unutmuşdum. Yalnız bir şey haqqında düşünürdüm. İntihar...
 
Yenicə istifadəyə verilmiş şeytan çarxına tərəf tələsirdim. Məqsədim ən yüksək hündürlüyə çatanda kabinadan özümü atmaqdı.
 
Çata bilmədim məqsədimə. Əvvəla kabinaya azyaşlı uşağı ilə bir ailə də daxil oldu. İkincisi isə sən demə heç qapını açmaq olmurmuş. Amma açılsaydı da atmayacaqdım. Qarşımda çox xoşbəxt görünən ailə var idi. Uşaq ətrafa o qədər maraqla tamaşa edirdi ki, üzümdəki təbəssümü sonradan fərq etdim. Oğlum düşdü yadıma. Sonra sırayla bütün sevdiklərim. Haqqım yox idi onlara bunu etməyə.
 
Amma belə də getməzdi. Nəyisə dəyişmək lazım idi. Necə oldusa heç kimi, heç nəyi dəyişə bilməyəcəyimi dərk etdim. Amma onu da dərk etdim ki, şüuraltını dəyişməliyəm. Müxtəlif fərdi inkişaf kurslarına yazıldım. Seminarlara qatıldım. İnternetdə bu sahəyə aid yüzlərlə material oxudum və ya baxdım. Və zamanla bunu bacardım. Hər şey qaydasına düşəndən sonra kitab da yazdım. Elə bu mövzuda.
 
Sonda bunu mütləq deməliyəm. İntihar etsəydim bir səbəbə görə olmayacaqdı. Ən az on səbəbi var idi. Odur ki, intihar edənlər üçün bir səbəb axtarmayın...

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

7 Şərh:

  • Anonim
    Xoşbəxt · 18 Mart 20:2510

    Bır sözlə Əhsən!

    Cavab yaz
  • Anonim
    Şalimar · 18 Mart 20:3010

    Ay ölənlərin behiştlik! Çox razıyam.

    Cavab yaz
  • Anonim
    ;;;; · 18 Mart 23:1510

    Iradesi guclu olan intihar etmez. Butun cetinliklerin acigina dahada mohkem olmaq lazimdir

    Cavab yaz
  • Anonim
    Liliya · 18 Mart 23:1710

    Deymez hec kim hec ne ucun intihar etmeye.men bu fikre dusmusem derman da icmisdim urek bulanma qaytarma oldu sistem filan qosuldu.ama kime ne oldu ki olan mene oldu.hecne de deyismedi.ona gore de deymez hecne ve hec kim ucun intihar etmeye.

    Cavab yaz
  • Anonim
    Meri · 18 Mart 23:2910

    Duz yazib maragla oxudum.

    Cavab yaz
  • Anonim
    suat · 19 Mart 00:5600

    Allah hamiya komek olsun. Etmeyin bele arxanizdaki ezizlerinize dag boyda derd , birde bir sual ,,axi niye bele etdin,,coxlu büfeler.omur sonuna qeder.

    Cavab yaz
  • Anonim
    Ss · 19 Mart 01:0300

    Intahar cixis yolu deyil.Borcu olan intihar edir ,tutulmaqdansa olmeyi ustun tutur ,nahaq kisi kimi turmede yat cix yene ailene qayit sifirdan basla

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.