PUL
RTV (Region TV) xəbər verir ki, ölkənin ilk uşaq kanalı olan "Günəş" TV qısa zamanda balaca tamaşaçılarda böyük maraq oyatmağı bacarıb. Alınan ilkin reaksiyalar və media mütəxəssislərinin müsbət rəyi məsələyə nikbin yanaşmağa imkan verir.
Azərbaycanda azyaşlıların daha çox xarici ölkələrin televiziyalarında yayımlanan cizgi filmlərinə baxaraq həmin ruhda tərbiyə alması narahatlıq doğurmaya bilməz. Milli Televiziya və Radio Şurasının sədri Nuşirəvan Məhərrəmli də son açıqlamalarından birində bu məsələnin həssas yanaşma tələb etdiyini xüsusi vurğulayıb. Bu ilin aprelin 10-dan etibarən peyk yayımına başlayan "Günəş" TV efirdə yalnız milli-mənəvi dəyərlərə söykənən, uşaq psixologiyasına müsbət təsir edən verilişlər və filmlər yayımlamaqla ölkə teleməkanında qeyd olunan boşluğun aradan qaldırmasına öz töhfəsini verir. Efir vaxtını bütünlüklə uşaqlara həsr edən "Günəş" TV-nin yayımında şiddət, pis vərdişlər aşılayan cizgi filmi və kadrlara yer verilmir.
Artıq "Günəş" TV-nin texniki bazasının və yayım imkanlarının genişlənləndirilməsi istiqamətində xeyli iş görülüb. Yaxın dövrlərdə "Günəş" TV daha da maraqlı verilişlərlə balacaların görüşünə gələcək.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
