Cəmiyyət

İyulun 2-si imtahandır

29 İyun 2015 14:43
5 Şərh     Baxış: 1 860

Tələbə Qəbulu üzrə Dövlət Komissiyası (TQDK) iyulun 2-də növbəti imtahanlar keçirəcək.

Komissiyadan Trend-ə verilən məlumata görə, həmin gün ali təhsil müəssisələrinin V ixtisas qrupuna (xüsusi qabiliyyət tələb edən ixtisaslara) qəbul imtahanı və tam (11 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları üçün qəbul imtahanı keçiriləcək. Bu iki imtahanda iştirak etmək üçün 16 150 abituriyent müraciət edib.

Ümumi (9 illik) və tam (11 illik) orta təhsil səviyyələrini əvvəlki dərs illərində başa vurmuş, lakin müxtəlif səbəblərə görə yekun attestasiyası aparılmamış, eləcə də eksternat qaydada attestasiyada iştirak etmək üçün təhsil aldıqları təhsil müəssisələrinə müraciət etmiş və imtahana buraxılması haqqında həmin təhsil müəssisəsi tərəfindən qərar qəbul edilmiş şagirdlər, əvvəlki illərdə keçirilmiş buraxılış imtahanlarında məqbul qiymət ala bilməmiş şagirdlər, həmçinin üzrlü səbəbdən 2015-ci ildə keçirilən buraxılış imtahanlarında iştirak edə bilməmiş cari ilin məzunu olan şagirdlər üçün buraxılış imtahanında 1142 nəfər IX sinif şagirdinin, 3510 XI sinif şagirdinin iştirakı nəzərdə tutulur.

Ümumi (9 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları üçün qəbul imtahanında iştirak etmək üçün 12 941 abituriyent qeydiyyatdan keçib.

Qeyd olunan imtahanlar bütövlükdə respublikanın 14 şəhər və rayonunda - Bakı, Naxçıvan, Gəncə, Tovuz, Sumqayıt, Mingəçevir, Şəki, Ağcabədi, Göyçay, Şirvan, Salyan, Lənkəran, Masallı və Xaçmazda 64 imtahan mərkəzində təşkil olunacaq və bütün binalarda eyni vaxtda - saat 10:00-da başlayacaq.

İmtahanların idarə olunması üçün 314 imtahan rəhbəri, 2742 nəzarətçi-müəllim ayrılıb.

Milli.Az

loading...

Şərh yaz:

5 Şərh:

  • Anonim
    Agca · 29 İyun 2015 17:1400

    İnsallah hami imtahani uğurla basa vurar

    Cavab yaz
  • Anonim
    Melek · 30 İyun 2015 13:1900

    Mende gedecem insallah ugurlu olar

    Cavab yaz
  • Anonim
    mehriban · 30 İyun 2015 14:1800

    Butun imtahan verenlere ugurarzulayiram

    Cavab yaz
  • Anonim
    mehriban · 30 İyun 2015 18:4400

    Melek insallah senin ucunde ugurlu olar

    Cavab yaz
  • Anonim
    Melek · 3 İyul 2015 13:5700

    Sagol canim mehriban ugurlu oldu

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.