Cəmiyyət

Çingizdən bir daha olmayacaq...

29 Avqust 2013 08:46
10 Şərh     Baxış: 1 659
Çingiz Mustafayevi ilk dəfə 1980-ci illərdə görmüşdüm, İnşaat Mühəndisləri İnstitutunun sanatoriyasının baş həkimi idi. Sinif yoldaşım Azim "İnşaat"da oxuyurdu və ilk dəfə o tanıtmışdı: "Bu, Çingizdir, çox xarizmatik və istedadlı adamdır, tələbələrin hamısı ona bənzəmək istəyir, yataqxanadakı bütün gənclər onu lider sayırlar".

Doğrudan da həsəd aparılacaq dərəcədə xarizmatik idi. O gün hansısa tədbirə hazırlaşırdı və rəsmi geyinmişdi, uca boylu və tamamilə milli cizgilərə malik bir Azərbaycan gənci idi. Sonradan Azərbaycan Televiziyasında yayılan "Ekspromt" verilişində, tədbirlərdə onun daha yeni-yeni keyfiyyətlərinin şahidi oldum. Yaxın dostu, İnşaat Mühəndisləri İnstitutunun müəllimi Rasim Müzəffərli ilə "Ozan" ansabmlında musiqilər yaradırdı, Türk Dünyasının "Dünənki keçdi" adlı ilk rep parçasını ifa etmişdi. Bakı Disko Mərkəzində Azərbaycan dilində diskoteka aparıcılığının, yəni diceyliyin əsasını qoymuşdu, şeirlər yazırdı. Və Çingizin bütün bu yaradıcılığının ana xəttində bir amal dayanırdı - azərbaycançılıq. Çingiz və dostları özləri də bilmədən hansısa şüuraltı bir təlqinlə Azərbaycanın tələbə gəncliyini istiqlal davasına hazırlayırdılar.

Ümumiyyətlə, bu ilahi təlqinə qulaq asmaq, şüuraltı bir fəhmlə ən doğru yolu seçmək bacarığı Çingizin həyatının sonrakı illərində, xüsusilə də 1990-cı illərin əvvəlində Qarabağ münaqişəsi milli məfkurəmizi təlatümə salanda özünü daha qabarıq göstərdi. Həmin vaxt ölkədə düşərgələnmə yaranmışdı və hərə bir tərəfə çəkirdi.

Qarabağda erməni terrorçularının təzyiqi altında vəziyyəti gündən-günə pisləşən soydaşlarımızın taleyi isə heç kimin vecinə deyildi. Və onda Çingiz ayağa qalxdı və dedi: "Mən öz kameramı götürüb Qarabağa gedirəm və hər kəsə də bütün çəkişmələri kənara qoyaraq mənimlə getməyə dəvət edirəm, Vətən torpağı əldən gedir". Onun bu addımı bir növ hun xaqanı Metenin məşhur kəlamını xatırladırdı: "Vətən torpağı ilə alver olmaz".

Çəkilişləri göstərir ki, Çingiz Qarabağda sadəcə jurnalist, reportyor kimi davranmayıb. O, bütün müxbir soyuqqanlığını kənara ataraq əsgərləri döyüşə səsləyirdi, Xocalı faciəsi ilə üzləşəndə göz yaşlarını saxlaya bilmirdi. Axı Vətən övladı başqa cür davrana bilməzdi.

Tanrı onu böyük işlər üçün yaratmışdı və o, hələ körpə yaşlarından öz təyinatını dərk edirmiş. Qonşularının dediyinə görə, Çingizin dörd yaşı olanda qonşularında yaşayan bir rus qadın bir gün ondan soruşur ki, adının haradan gəldiyini bilirmi. O isə deyib: "Hə, bilirəm. Çingiz xan qəhrəman olub. Mən də böyüyəndə qəhrəman olacam".

Anspress
loading...

Şərh yaz:

10 Şərh:

  • Anonim
    Anonim · 29 Avqust 2013 09:0800

    Allah ruhunu şad etsin

    Cavab yaz
  • Anonim
    Mələk · 29 Avqust 2013 09:1100

    Allah Azərbaycanın qəhrəman, cəsur, vətənpərvər oğlu ÇİNGİZƏ qəni-qəni rəhmət eləsin! Qəbri nurla dolsun! Qoy bütün gənclərimiz ÇİNGİZDƏN nümunə götürsünlər.

    Cavab yaz
  • Anonim
    Oxucu · 29 Avqust 2013 09:2400

    Cingiz Azerbaycanin jurnalistika tarixine yenilik getirdi ve onun muharibe dovrunde cekdiyi kadrlar o dehshetli gunlerin eks-sedasidir.Qisa amma menali heyat yolu kecdi,qehreman oldu. Hec kim ve hec ne unudulmur!O ise hemise xatirlanacaq.Allah rehmet elesin!

    Cavab yaz
  • Anonim
    Anonim · 29 Avqust 2013 10:1400

    Cox cox heyifler olsun ki, bele gencler azdir. Allah Cingize rehmet elesin

    Cavab yaz
  • Anonim
    Elegantka · 29 Avqust 2013 11:1700

    Allah rehmet etsin

    Cavab yaz
  • Anonim
    Nikita · 29 Avqust 2013 11:4300

    Seyx Samili sonunu dusunen qehreman ola bilmez misalini xatirladim. Cingiz sonuna kimi, ölene kimi doyusdu..Dunyaya Xocali heqiqetlerinj CIngizin cekdiyi kadrlarla catdirdiq..o esl vetenperver idi.Xocali heqiqetlerini cekende honkurerek aglayan, SUsadan cixan qosunlarin qarsisini kesib "cixmayin, getmeyin tarix sizi bagislamayacaq deye haray qoparan bir vetenperver.Allah rehmet etsin.Sen Veten qarsisinda olan borcunu layiqince yerine yetirdin.Bizse gozleyirik hele de.

    Cavab yaz
    • Anonim
      Patriot · 29 Avqust 2013 12:5900

      Doğrudur Nikita, əsgər silahla vətəni qoruyursa, Çingiz də kamerasının obyektivinə xroniki hadisələri qəhrəmanlıqla köçürməklə və vətənimiz ugrunda vuruşlarda böyük hünər göstərməklə qəlblərdə əbədiləşdi. Hər zaman qaynar, təhlükəli nöqtələrdən reportajlar hazırlayan jurnalist Çingiz.

      Cavab yaz
  • Anonim
    vetendaw · 29 Avqust 2013 13:2200

    butun wehidler kimi Chingiz Mustafayevin meqami da ALLAH dergahinda chox ucadir. ALLAH butun arzu edenlere wehidlik zirvesini bexw etsin INWALLAH.

    Cavab yaz
  • Anonim
    gul · 29 Avqust 2013 13:3300

    Allah ruhunu wad elesin,yeri cennet olsun..

    Cavab yaz
  • Anonim
    LEMAN · 29 Avqust 2013 13:5300

    Amin.Ruhun wad olsun VETEN OGLU.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.