Cəmiyyət

İşə çatan kimi yuxunuz gəlir? - Bu üsullar sizi dərhal ayıldacaq

8 İyun 2026 09:26

Baxış: 570

VTB-də minimal faiz dərəcəsi ilə nağd kredit 9.9%-dən

Günə yorğun başlamaq və işə çatdıqdan sonra yuxulu olmaq bir çox insanın qarşılaşdığı problemdir. Mütəxəssislər bildirirlər ki, bəzi sadə vərdişlər gün ərzində enerjinin artmasına kömək edə bilər.

Milli.Az xəbər verir ki, səhər saatlarında bir stəkan su içmək orqanizmin ayılmasına yardım edir. Qısa gəzinti və ya yüngül fiziki hərəkətlər qan dövranını sürətləndirərək yuxululuğu azalda bilər.

Mütəxəssislər səhər yeməyini buraxmamağı da tövsiyə edirlər. Zülal və faydalı karbohidratlarla zəngin qidalar enerji səviyyəsinin daha stabil qalmasına kömək edir.

Bundan əlavə, iş yerində qapalı mühitdə uzun müddət qalmaq yorğunluğu artıra bilər. Bu səbəbdən otağın havalandırılması və gün işığından maksimum istifadə olunması məsləhət görülür.

Qeyd edilir ki, gecə kifayət qədər yuxu almamaq gün ərzində yorğunluğun əsas səbəblərindən biridir. Böyüklərin əksəriyyəti üçün gündə 7-9 saat keyfiyyətli yuxu tövsiyə olunur.

Mütəxəssislərin fikrincə, düzgün qidalanma, kifayət qədər su qəbulu və fiziki aktivlik gün ərzində enerjini qorumağın ən effektiv yolları hesab edilir.

Fidan

Milli.Az