Cəmiyyət

“Daçnik”də istirahət edənlərə vacib XƏBƏRDARLIQ

1 İyun 2026 17:43
Baxış: 1 177
VTB-də minimal faiz dərəcəsi ilə nağd kredit 9.9%-dən

Bilgəh qəsəbəsində çimərlik kimi istifadəsi qadağan edilən sahədə yenidən təhlükəli vəziyyət müşahidə olunur. Bu ərazi illərdir insanların diqqətini çəksə də, burada baş verən boğulma hadisələri səbəbindən riskli zonalardan biri hesab edilir.

Milli.Az xəbər verir ki, dəniz mövsümünün rəsmi açılışı elan olunmasa da, artıq çoxsaylı insanlar həmin ərazidə çadırlar quraraq istirahət etməyə başlayıblar. Əraziyə gələnlərin əksəriyyəti suyun təhlükəli olduğunu bildiklərini desələr də, buna ciddi əhəmiyyət vermədiklərini etiraf edirlər.

Mövzu ilə bağlı Fövqəladə Hallar Nazirliyindən bildirib ki, sözügedən ərazi barədə mütəmadi olaraq əhaliyə xəbərdarlıqlar edilir. Buna baxmayaraq, bəzi vətəndaşlar təhlükəsizlik qaydalarına əməl etmədən qadağan olunmuş sahələrə daxil olurlar.

Nazirlik vətəndaşlara yalnız istifadəsinə icazə verilən çimərliklərdə dənizə girməyi tövsiyə edir. Həmçinin hava şəraitinin nəzərə alınması, gecə saatlarında və spirtli içki qəbulundan sonra suya daxil olmamaq, eləcə də suda təhlükəli davranışlardan çəkinmək vacib hesab olunur.

Təhlükəsizlik sahəsi üzrə mütəxəssislər isə qadağan edilmiş ərazilərdə nəzarətin gücləndirilməsinin zəruri olduğunu bildirirlər. Onların fikrincə, belə zonalara girişin qarşısının alınması üçün yerli icra strukturları tərəfindən daha ciddi tədbirlər görülməlidir.   

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.