Cəmiyyət

İctimai nəqliyyatda kartdan pul niyə gec ÇIXILIR? - AÇIQLANDI

6 May 2026 12:25

Baxış: 1 006

"İctimai nəqliyyatda kartla ödəniş zamanı sonradan balansdan vəsaitin çıxılması halları sistemin iş prinsipi ilə bağlıdır".

Milli.Az xəbər verir ki, bunu Azərbaycan Mərkəzi Bankının sədri Taleh Kazımov jurnalistlərin suallarını cavablandırarkən deyib.

Onun sözlərinə görə, nəqliyyatda istifadə olunan terminallar əksər hallarda oflayn rejimdə çalışır

"Terminal ödənişi qəbul edir, o, oflayn çalışır. Ödəniş ediləndə o bilmir ki, sizin kartınızda pul var, yoxsa yox".

Buldirib ki, bu səbəbdən kartda vəsait olmasa belə sistem sərnişinə keçid imkanı yaradır:

"Balansda pul olmayan kartla ödəniş edəndə sizi buraxır. Aparat qeyd edir ki, məsələn, 60 qəpik borcludur".

Onun sözlərinə görə, sonradan sistem kartı yoxlayır və balansa vəsait daxil olduqda həmin məbləği çıxmağa çalışır:

"Sabah, ya bir neçə saatdan sonra sistem yoxlayır. Karta pul gəlib, gəlməyib və çalışır onu çıxartsın. Amma ikiqat çıxartmır".

Vurğulayıb ki, əgər istifadəçilər bir neçə dəfə və ya artıq məbləğin çıxıldığını iddia edirlərsə, bu araşdırılmalıdır:

"Əgər pul çıxırsa, silinirsə, onu araşdırarıq. Əslində çıxmamalıdır. Ola bilsin texniki səhv var və bank o pulları geri qaytarmalıdır".

Əlavə edib ki, bu sistem bir çox ölkələrdə tətbiq olunur və əsasən beynəlxalq ödəniş sistemlərinin texniki infrastrukturu ilə bağlıdır:

"Bu, Visa və Mastercard kimi sistemlərin işidir. Orada texniki problemlər də ola bilər".

Qeyd edib ki, məsələ ilə bağlı banklarla müzakirələr aparılır.

Mina Mikayılova
Milli.Az

Milli.Az - Xəbər Portalı

DİGƏR XƏBƏRLƏR