Cəmiyyət

Müəllimlərin işə qəbulu bu tarixdən başlayır

28 Aprel 2026 12:39
Baxış: 443
VTB-də minimal faiz dərəcəsi ilə nağd kredit 9.9%-dən

"İyun-iyul aylarında həyata keçirilən əsas proseslərdən biri müəllim tələbatının qarşılanmasıdır.

Milli.Az xəbər verir ki, bunu Elm və Təhsil Nazirliyinin tabeliyində fəaliyyət göstərən Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov media üçün brifinqdə deyib.

Onun sözlərinə görə, artıq 10 ildən çoxdur ki, müəllimlərin işə qəbulu müsabiqəsi elektron qaydada, mərkəzləşdirilmiş test imtahanları vasitəsilə həyata keçirilir. Bu il də müsabiqənin test mərhələsi iyulun 1-dən 8-dək keçirilməsi planlaşdırılır.

E. Bağırov qeyd edib ki, hökumətin müvafiq qərarına əsasən bu ildən etibarən müsabiqənin bir qisim namizədlər üçün ödənişli olması nəzərdə tutulur:

"Lakin bir sıra kateqoriyalar bu ödənişdən azad olunacaq. Belə ki, pedaqoji ixtisaslar üzrə ali təhsil müəssisələrini yeni bitirənlər, əvvəlki illərdə məzun olub ilk dəfə iştirak edən namizədlər, həmçinin şəhid ailə üzvləri, müharibə veteranlarının ailə üzvləri və ünvanlı sosial yardım alan vətəndaşlar üçün imtahanda iştirak ödənişsiz olacaq".

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.