Cəmiyyət

Bağça yerlərində rekord artım qeydə alınıb

28 Aprel 2026 12:29

Baxış: 686

VTB-də minimal faiz dərəcəsi ilə nağd kredit 9.9%-dən

"Ənənəvi dövlət bağçalarında yerlərin sayı optimallaşdırılaraq 107 minə çatdırılıb və bu rəqəmin artırılması istiqamətində işlər davam etdirilir".

Milli.Az xəbər verir ki, bunu Elm və Təhsil Nazirliyinin tabeliyində fəaliyyət göstərən Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov media üçün brifinqdə deyib.

Bununla yanaşı, məktəbəqədər təhsil müəssisələrinin olmadığı ərazilərdə icra olunan icma əsaslı layihələr də genişləndirilir.

Qeyd edib ki, ötən il bu modeldən 20 minə yaxın uşaq faydalandığı halda, cari ildə bu göstəricinin 35 minə çatdırılması planlaşdırılır.

E. Bağırov vurğulayıb ki, 2025-ci ildən tətbiq edilən valideyn-dövlət-özəl tərəfdaşlığı modeli çərçivəsində isə özəl bağçalara müraciət edən valideynlər üçün ödənişin yarısı dövlət tərəfindən qarşılanır.

"Bu modeldən artıq 4 mindən çox valideyn yararlanıb və müraciət prosesi hazırda da davam edir".

Mina Mikayılova
Milli.Az