Cəmiyyət

Nərimanovda sakinlər liftsiz qalıb - SƏBƏB

8 Aprel 2026 17:38
Baxış: 927
VTB-də minimal faiz dərəcəsi ilə nağd kredit 9.9%-dən

Bakıda yaşayış binasında liftin işləməməsi sakinlər üçün ciddi problem yaradıb.

Milli.Az xəbər verir ki, söhbət paytaxtın Nərimanov rayonunda, Əliyar Əliyev küçəsi 117 ünvanında yerləşən binadan gedir.

Sakinlərin sözlərinə görə, lift uzun müddətdir nasaz vəziyyətdədir. Əvvəllər yalnız 7-ci və 9-cu mərtəbələrə qədər qalxan lift indi tamamilə sıradan çıxıb və istifadə olunmur.

Bina Müdafiə Nazirliyinin balansında olduğu üçün ərazi üzrə lift xidmətləri tərəfindən texniki baxış aparılmır. Nazirlik isə sakinlərə problemin sentyabr ayına qədər həll olunacağını bildirib.

Qeyd olunur ki, yay aylarında liftin yenilənəcəyi ilə bağlı girişdə elan yerləşdirilsə də, bu vəd hələ də yerinə yetirilməyib.

Müdafiə Nazirliyinin Mətbuat Xidməti məsələ ilə bağlı açıqlamasında bildirib ki, problem nəzarətdə saxlanılır və yaxın vaxtlarda aradan qaldırılması gözlənilir. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.