Cəmiyyət

Bakıda duman niyə artıb? - AÇIQLAMA

1 Aprel 2026 10:30

Baxış: 1 740

VTB-də minimal faiz dərəcəsi ilə nağd kredit 9.9%-dən

#HAVA

"Bakıda və Abşeron yarımadasında son dövrlərdə dumanlı günlərin sayında ötən illərlə müqayisədə müəyyən artım müşahidə olunur".

Bunu Milli Hidrometeorologiya Xidmətinin rəis müavini Gülnarə Abbasova Milli.Az-a açıqlamasında deyib.

Onun sözlərinə görə, bu artım həm mövsümi meteoroloji şərait, həm də iqlim dəyişmələrinin yaratdığı ümumi tendensiyalarla əlaqələndirilir.

"Belə ki, gecə və səhər saatlarında nisbi rütubətin yüksəlməsi, eləcə də yer səthinə yaxın qatlarda temperatur inversiyasının daha tez-tez formalaşması havanın durğunlaşmasına və dumanın yaranmasına şərait yaradır".

G.Abbasova bildirib ki, son illərdə müşahidə olunan iqlim dəyişmələri fonunda atmosfer hadisələrinin, o cümlədən dumanlı günlərin təkrarlanma tezliyində dəyişikliklər qeydə alınır:

"Hazırkı müşahidələr göstərir ki, bu artım atmosfer proseslərinin dəyişkənliyi ilə bağlıdır və ümumi iqlim meylləri çərçivəsində qiymətləndirilir".

Mina Mikayılova
Milli.Az