Cəmiyyət

Daha 8 KOB subyektinə “Startap” şəhadətnaməsi verilib - FOTO

11 Mart 2026 17:59

Baxış: 783

VTB-də minimal faiz dərəcəsi ilə nağd kredit 9.9%-dən

İndiyədək 263 KOB subyektinə "Startap" şəhadətnaməsi təqdim edilib.

"Startap" şəhadətnaməsi almaq üçün KOB subyektlərindən Kiçik və Orta Biznesin İnkişafı Agentliyinə (KOBİA) daha 11 müraciət daxil olub. Müraciətlərə Ekspertlər Şurasının iclasında baxılıb və onlardan 8-nə "Startap" şəhadətnaməsinin verilməsi barədə qərar qəbul edilib. Bununla da "Startap" şəhadətnaməsi almış KOB subyektlərinin sayı 263-ə çatıb.

"Startap" şəhadətnamələri aşağıdakı layihələr üçün təqdim edilib:

"İmza İdea Lab" MMC - süni intellekt əsaslı hədiyyə axtarışı və satışı platforması,

"Baysart" MMC - qızılın alqı-satqısı və saxlanması üçün rəqəmsal platforma,
"NM Soft" MMC - bulud əsaslı rəqəmsal klinika idarəetmə sistemi,
"SALAMXPERT" MMC - süni intellekt əsaslı müəssisə resurslarının planlaşdırılması platforması,
"AL Digital" MMC - qızıl və zərgərlik məhsulları üçün onlayn marketpleys,
"TTC Service" MMC - "VmV App" brendi altında VPN servis xidməti,
"Narchin" MMC - rəqəmsal yükdaşıma platforması,
"RR Company" MMC - onlayn hüquq xidmətləri üçün mobil tətbiq layihəsi.

"Startap" şəhadətnaməsi KOB subyektlərini sənədi aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.

Layihələri inkişaf mərhələsində olan mikro və kiçik sahibkarlıq subyektləri "Startap" şəhadətnaməsi almaq üçün KOBİA-ya müraciət edə bilərlər. Müraciət üçün ərizə forması və tələb olunan digər sənədlər, eləcə də müvafiq meyarlarla bağlı ətraflı məlumatla aşağıdakı link vasitəsilə tanış olmaq mümkündür:

https://smb.gov.az/az/nav/startap-sehadetnamesi

Milli.Az