Cəmiyyət

"Deyir bu, nə işdir, niyə bozbaşını bişirmirsən?" - VİDEO

16 Fevral 2026 17:41

Baxış: 759

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO #SÜRÜCÜ #TAKSİ #QADIN

Bakıda fəaliyyət göstərən qadın taksi sürücüsünün sosial şəbəkədə etdiyi paylaşım geniş müzakirələrə səbəb olub.

Milli.Az xəbər verir ki, o, gündəlik iş prosesində qarşılaşdığı stereotip yanaşmadan söz açaraq bəzi müştərilərin ona ünvanladığı sözlərə sərt reaksiya verib:

"Taksi sürücüsü kimi çalışıram. Müştəri mindi, sual verir ki, bu nə peşədir, xanımsan niyə bozbaşını bişirmirsən? Dedim, bozbaşı qazanan oldu, bişirmədik? Yeməyin pulunu özüm qazanıram. Ona görə bu artıq sözləri deməyin mənə".

Sürücü bildirib ki, qadınların müəyyən peşələrdə çalışması hələ də bəzi insanlar tərəfindən təəccüblə qarşılanır. Onun sözlərinə görə, əsas məqsədi halal zəhmətlə pul qazanmaq və ailəsinə dəstək olmaqdır.

Paylaşım qısa zamanda sosial şəbəkələrdə yayılıb. İzləyicilərin bir qismi qadın sürücünü dəstəkləyərək onun cəsarətli çıxışını alqışlayıb, digərləri isə cəmiyyətdə qadınlara qarşı mövcud stereotiplərin hələ də qalmasını tənqid edib.

Mövzu sosial platformalarda gender bərabərliyi və qadınların müxtəlif sahələrdə fəaliyyəti ilə bağlı yeni müzakirələrə yol açıb.

Musa
Milli.Az