Cəmiyyət

Qarlı havada baş verən qəzada zərəri kim ödəyir?

6 Fevral 2026 14:49

Baxış: 975

VTB-də minimal faiz dərəcəsi ilə nağd kredit 9.9%-dən

#QƏZA #SIĞORTA

Qarlı və buzlu hava şəraiti bir çox hallarda yol-nəqliyyat hadisələrinin artmasına səbəb olur. Lakin bəzi sürücülər belə vəziyyətlərdə baş verən qəzalar zamanı məsuliyyətdən yayınmağa çalışır və hava şəraitini əsas gətirirlər.

Bəs, bu halda dəymiş zərər kim tərəfindən ödənir?

Mələsə ilə bağlı Milli.Az-a açıqlama verən sığorta məsələləri üzrə ekspert Vüsal Kərimov bildirib ki, ilin hansı fəsli olmasından və hava şəraitindən asılı olmayaraq, yol-nəqliyyat hadisəsi zamanı dəymiş zərər zərərvuran şəxs tərəfindən qarşılanmalıdır.

Ekspertin sözlərinə görə, qarlı və ya buzlu yol şəraiti hadisəyə görə məsuliyyəti aradan qaldırmır. Əgər qəzanı törədən avtomobil icbari sığorta ilə sığortalanıbsa, bu zaman qarşı tərəfə dəymiş zərər Mülki Məcəllənin 926-cı maddəsinə və "İcbari sığorta haqqında" Qanunun 13-cü maddəsinə əsasən, təqsirkar sürücünün avtomobilini sığortalayan sığorta şirkəti tərəfindən ödənilir.

V.Kərimov qeyd edib ki, təqsirkar şəxsin idarə etdiyi avtomobilə dəymiş zərər isə yalnız həmin nəqliyyat vasitəsi könüllü sığorta ilə sığortalanıbsa, müvafiq sığorta şirkəti tərəfindən qarşılanır:

"Avtomobil könüllü sığorta ilə təmin edilməyibsə, bu halda dəymiş zərəri təqsirkar sürücü özü ödəməli olur".

Mina Mikayılova
Milli.Az