Cəmiyyət

Əmlak bazarında son vəziyyət: Evlər bahalaşır?

2 Fevral 2026 19:11

Baxış: 1 696

VTB-də minimal faiz dərəcəsi ilə nağd kredit 9.9%-dən

#EV #BAHALAŞMA

"Hazırda daşınmaz əmlak bazarında ciddi canlanma müşahidə olunmur".

Milli.Az-ın məlumatına görə, bu sözləri əmlak məsələləri üzrə ekspert Elnur Fərzəliyev deyib.

Onun sözlərinə görə, bazarda hələlik durğunluq hökm sürür:

"Hazırda əmlak bazarında ciddi dəyişiklik yoxdur. Qiymət artımı və tələbat daha çox qısamüddətli ipoteka üçün uyğun olan mənzillərə yönəlib".

Ekspert bildirib ki, alıcıların marağı əsasən kupçalı və təmirli mənzillərədir:

"Köhnə tikililərdən doqquzmərtəbəli binalarda yerləşən, yeni tikililərdən isə az kvadratlı, kupçalı mənzillərə tələbat var. Xüsusilə təmirli və sənədləri qaydasında olan evlər daha tez satılır".

E.Fərzəliyev vurğulayıb ki, böyük sahəli mənzillərə maraq xeyli azalıb:

"Böyük kvadratlı evlərə tələbat əvvəlki illərlə müqayisədə xeyli zəifləyib. Bu tip mənzillər bazarda daha uzun müddət satışda qalır".

Ekspert hesab edir ki, mövcud vəziyyət qısamüddətli dövrdə bazarda kəskin qiymət dəyişikliyi gözləntisini də azaldır.

Mina Mikayılova
Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ