Cəmiyyət

Yağ ləkələrindən bu üsullarla xilas olun

29 Yanvar 2026 05:05
Baxış: 1 658
VTB-də minimal faiz dərəcəsi ilə nağd kredit 9.9%-dən
#MARAQLI #EV

Yemək bişirərkən bəzən ocaqlarda yağ ləkələri kimi qalıcı izlərin yaranmasına səbəb oluruq. Bu ləkələri tez təmizləmədikdə bərkiyib qalır və əlimiz dərhal yuyucu vasitələrə gedir.

Milli.Az xəbər verir ki, təbii üsullarla bu ləkələrdən xilas olmaq mümkündür:

Soda və su: Soda təbii yağ əridicisidir. Bir qədər sodanı az su ilə məcun halına gətirib yağlı sahəyə çəkin və 10-15 dəqiqə gözləyin. Nəm parça ilə sildikdə ləkələrin böyük ölçüdə yox olduğunu görəcəksiniz.

Limon suyu: Limon suyu həm təbii həlledici, həm də qoxu aradan qaldırıcıdır. Yağlı sahələrə limon suyu çəkib qısa müddət gözlədikdən sonra parça ilə silmək ocağın daha təmiz və təravətli görünməsini təmin edir. 

Sirkə: Sirkə turş tərkibi sayəsində yağ qalıqlarını parçalamağa kömək edir. Bir sprey qabına sirkə töküb ocağa püskürdün, bir neçə dəqiqə gözlədikdən sonra silin. Xüsusilə səthdə qalan yapışqan yağ qatlarında təsirlidir.

Ərəb sabunu: Ərəb sabunu bitki yağlarından hazırlanır və yağın təbiətini yaxşı tanıyır. İlıq suda durulaşdırılmış ərəb sabunu ilə ocağı silmək həm səthi təmizləyir, həm də parlaqlıq verir. Müntəzəm istifadə edildikdə yağın səthə yapışmasını çətinləşdirir.

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.