Cəmiyyət

Binanın zirzəmisində obyekt açmaq qanunidirmi? - AÇIQLAMA

23 Yanvar 2026 21:00

Baxış: 916

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Çoxmərtəbəli binaların birinci mərtəbəsində, zirzəmisində mağaza, kafe, restoran, aptek və digər yaşayış obyektlərinin fəaliyyət göstərməsi adi hal alıb. Bəzən bu sahələr satılır, bəzən isə uzun müddətli kirayə verilir. Sakinlər isə bu haldan daima narazıdırlar. Buna baxmayaraqsa, obyektlər fəaliyyətlərini davam etdirirlər.

Milli.Az xəbər verir ki, hüquqşünaslar bildirib ki, Mənzil Məcəlləsinin 35.1-ci maddəsində çoxmənzilli binalarda zirzəmilərin birdən artıq şəxsə xidmət etmək üçün nəzərdə tutulan obyektlərin ümümu paylı mülkiyyət hüquqi ilə mülkiyyətçilərə məxsus olduğu deyilir. Vətəndaşların narazılıqlarının əbəs olmadığı görünür.

Bəs aşağı mərtəbələrin qeyri-yaşayış kimi icarəyə verilməsi prosesi qanunidirmi?

Mənzil Məcəlləsinə əsasən, çoxmənzilli binaların ümumi istifadəsində olan ərazilər, yəni zirzəmilər, pilləkanlar və s. bunlar binanın ümumi istifadədə olan ərazisi hesab olunur və həmin ərazilərlə bağlı hər hansı qərarın qəbul edilməsi çoxmənzilli binanın payçılarının ümumi yığıncağında həll olunur. Amma sözügedən çoxmənzilli binanın layihəsində əvvəlcədən həmin ərazilərin parklanma zonası və ya qeyri-yaşayış obyekti kimi nəzərdə tutulubsa, layihədə sakinlərin, yəni payçıların həmin ərazi ilə xüsusi qərar qəbul etmək səlahiyyətləri olmur. Ümumi əmlakın istifadəsi və ya təyinatının dəyişdirilməsi üçün bina sakinlərinin əksəriyyətinin bəzən isə hamısının razılığı alınmalıdır. Yaşayış sahəsində səs-küyə səbəb olmaq eyni zamanda inzibati məsuliyyət yaradır. Çoxmənzilli binanın ümumi sahələrinin əgər konkret olaraq qeyri-yaşayış sahələrinin zəbt edilməsi faktından söhbət gedirsə, bununla bağlı məhkəmə orqanlarına müraciət etmək tövsiyə olunur.

Aysel Əkbər
Milli.Az