Cəmiyyət

2026 ən isti il ola bilər

16 Yanvar 2026 15:25

Baxış: 1 342

VTB-də minimal faiz dərəcəsi ilə nağd kredit 9.9%-dən

#HAVA

2026-cı il ən isti illər arasında yer ala bilər.

Milli.Az xəbər verir ki, İngiltərənin Met Office qurumu 2026-cı illə bağlı narahatedici proqnoz açıqlayıb.

Məlumata görə, Met Office bəzi ekstremal hava hadisələrinin növbəti illərdə də davam edəcəyini bildirib.

Qeyd olunub ki, insan fəaliyyəti nəticəsində yaranan emissiyaların azalmaq əvəzinə artması qlobal temperatur yüksəlişini daha da sürətləndirir.

Bu həftə Avropa Orta Müddətli Hava Proqnozları Mərkəzinin (ECMWF) tərkibində fəaliyyət göstərən Kopernikus İqlim Dəyişiklikləri Xidməti (C3S), Ümumdünya Meteorologiya Təşkilatı (WMO), Met Office və ABŞ-nin Berkeley Earth tədqiqat mərkəzi eyni vaxtda yayımladıqları hesabatlarda 2025-ci ilin müşahidə tarixində üçüncü ən isti il olduğunu açıqlayıblar.

Kopernikusun məlumatına əsasən, 2025-ci ildə qlobal orta səth temperaturu sənayeöncəsi dövrün orta göstəricisi ilə müqayisədə 1,47 dərəcə yüksəlib. WMO və Berkeley Earth bu göstəricini 1,44 dərəcə, Met Office isə 1,41 dərəcə olaraq hesablayıb.

Qeyd edilib ki, tarixdə ən isti il olan 2024-cü ildə temperatur artımı 1,6 dərəcəyə, ikinci ən isti il olan 2023-cü ildə isə 1,48 dərəcəyə çatıb. Bununla da 2023-2025-ci illər qlobal temperatur artımının 1,5 dərəcəni aşdığı ilk üçillik dövr kimi qeydə alınıb. Son 11 il isə müşahidə tarixindəki ən isti 11 il olub.

Met Office-in proqnozuna görə, 2026-cı ildə qlobal orta temperatur sənayeöncəsi dövrün orta göstəricisindən 1,34-1,58 dərəcə yüksək ola bilər. Bu isə qlobal istiləşmənin 1,5 dərəcə həddinə sürətlə yaxınlaşdığını göstərir.

Mina Mikayılova
Milli.Az

Milli.Az - Xəbər Portalı

2026 ən isti il ola bilər

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?