Cəmiyyət

Qurbağa əti trenddədir, bəs dini baxımdan halaldır? - AÇIQLAMA

20 Dekabr 2025 20:53

Baxış: 1 276

VTB-də minimal faiz dərəcəsi ilə nağd kredit 9.9%-dən

#DİN

Son zamanlar qurbağa əti dünyada müxtəlif coğrafiyalarda və müxtəlif mədəniyyətlərdə geniş şəkildə istehlak olunan bir qida məhsuludur. Xüsusilə Fransa, Çin, Tailand, Vyetnam, Meksika kimi ölkələrdə qurbağa ətinə tez-tez rast gəlinir. Fransada, Paris kimi böyük şəhərlərdə restoran menyularında "cuisses de grenouille" (qurbağa ayaqları) tez-tez təqdim olunur və bu yemək Fransız mətbəxinin ənənəvi dadlarından biri hesab olunur.

Milli.Az xəbər verir ki, Azərbaycanda da qurbağa ətinə maraq artıb. Bakıda dəniz məhsulları mağazalarının satıcıları bildirirlər ki, bu delikates əsasən Asiya ölkələrindən idxal edilir, dondurulmuş şəkildə satışa çıxarılır və qiyməti 3-5 manat arasında dəyişir.

Dad baxımından toyuq ətinə bənzəyən qurbağa əti yumşaq tekstura və bir qədər şirin dad ilə seçilir. Ekspertlər qeyd edirlər ki, xarici mətbəxə marağın artması və yeni dadlara açıq istehlakçıların sayı tələbatın yüksəlməsinə səbəb olub.

Bəs qurbağa əti dini baxımdan halaldır ya haram?

Məsələ ilə bağlı ilahiyyatçı Ağa Hacıbəyli bildirib ki, Məhəmməd peyğəmbərin zamanında qurbağaların öldürülməsi qadağan olunub, onların ətinin isə yeyilməsi düzgün sayılmayıb:

"İslam fiqh məktəbləri qurbağa ətinin istehlakını icazəli hesab etmir".

Aysel Əkbər
Milli.Az